قارقارالىدا ۇلى دالا اناسىنا ارنالعان ەسكەرتكىش اشىلدى

قاراعاندى. قازاقپارات - قارقارالى قالاسىنا كىرە بەرىستە ۇلى دالا اناسى دەپ اتالاتىن قارقابات اناعا ەسكەرتكىش ورناتىلدى.

اشىلۋ سالتاناتىنا قاراعاندى وبلىسىنىڭ اكىمى جەڭىس قاسىمبەك، قوعام قايراتكەرلەرى، شىعارماشىلىق زيالى قاۋىم جانە ت. ب. قاتىستى، دەپ حابارلايدى وبلىستىق اكىمدىكتىڭ باسپا ءسوز قىزمەتى.

«جاستار حورى» تۇركيادا گاسترولدىك ساپارىن باستادى مونۋمەنت قولادان جاسالعان، ونىڭ بيىكتىگى تۇعىرمەن بىرگە 7,5 مەتردى قۇرايدى. ءمۇسىننىڭ اۆتورى - بەيبىت مۇستافين. ەسكەرتكىشتىڭ ورناتىلۋىنا ورتالىق قازاقستان اكادەمياسىنىڭ رەكتورى باقتىباي ءجۇنىسوۆ باستاماشى بولدى. قاراعاندى وبلىسىنىڭ اكىمى جەڭىس قاسىمبەك ەسكەرتكىشتىڭ اشىلۋىندا قارقابات انا - حالىق بىرلىگىن، پاتريوتيزمدى جانە پاراساتتىلىقتى بىلدىرەتىن نىشاندارىنىڭ ءبىرى ەكەنىن اتاپ ءوتتى.

- قارقابات انا بارلىق انالاردىڭ ۇلى اناسى دەپ اتالادى. ول قازاق دالاسىنداعى انالاردىڭ بارلىق جاقسى قاسيەتتەرىن، بۇكىل حالىقتىڭ اناسىن بەينەلەيدى. قارقابات- انانىڭ دانالىعى، ءومىر جولى مەن بەينەسى وسكەلەڭ ۇرپاق ءۇشىن ۇلگى بولادى، - دەدى جەڭىس قاسىمبەك.

اڭىز بويىنشا، قارقابات انانىڭ كەنجە ۇلى بولاتقوجا قاراكەسەك دەپ اتالىپ كەتكەن.

- قازاق حالقىنىڭ تاريحىندا ءىز قالدىرعان ۇلداردىڭ (ۇلى قازىبەك بيدەن باستاپ باتىر- عارىشكەر توقتار اۋباكىروۆكە دەيىن) اناسىنىڭ ەسىمى ەشقاشان ۇمىتىلمايدى. بۇل ەسكەرتكىش بولاشاق ۇرپاقتى تاربيەلەۋ ءۇشىن قاجەت، - دەپ اتاپ ءوتتى ق ر جازۋشىلار وداعىنىڭ ءتوراعاسى ۇلىقبەك ەسداۋلەت.