الماتىنىڭ باس سانيتار دارىگەرى كوروناۆيرۋستى جۇقتىرۋدىڭ نەگىزگى سەبەپتەرىن اتادى

الماتى. قازاقپارات - الماتى قالاسىنىڭ سانيتاريالىق- ەپيدەميولوگيالىق باقىلاۋ دەپارتامەنتىنىڭ باسشىسى، قالانىڭ باس مەملەكەتتىك سانيتار دارىگەرى جانداربەك بەكشين كوروناۆيرۋستىڭ ءتورتىنشى تولقىنى كەزىندە حالىق اراسىندا ينفەكسيانى جۇقتىرۋدىڭ نەگىزگى سەبەپتەرىن اتادى، دەپ حابارلايدى قازاقپارات ءتىلشىسى.

بۇل تۋرالى ول ونلاين باسپا ءسوز- كونفەرەنسياسىندا ءمالىم ەتتى. ج. بەكشيننىڭ ايتۋىنشا، ەپيدەميانىڭ ءتورتىنشى تولقىنى كەزىندە حالىق اراسىندا ينفەكسياسىنىڭ جۇقتىرۋنىڭ نەگىزگى سەبەبى بيولوگيالىق قاۋىپتىڭ كورىنبەۋى، سونىڭ سالدارىنان حالىقتىڭ قىراعىلىعىنىڭ تومەندەۋىنەن بولدى دەۋگە بولادى. ياعني، ازاماتتار قاۋىپتى شىن مانىندە ۆيرۋستى جۇقتىرىپ، اۋرۋحانالارىنا تۇسكەندە عانا، كەي جاعدايدا ءتىپتى وتباسىندا جاقىندارىنان ايىرىلعان كەزدە عانا ءتۇسىندى. ۆيرۋس جۇقتىرۋدىڭ سەبەپتەرىنىڭ تاعى ءبىرى حالىقتىڭ تىيىم سالىنعانىنا قاراماستان قوعامدىق تاماقتاندىرۋ كاسىپورىندارىندا (قالا ماڭى ايماعىندا جانە جالعا الىنعان كوتتەدجدەردە) جاپپاي وتباسىلىق ءىس-شارالاردى (توي، مەرەيتوي جانە ت. ب.) ۇيىمداستىرۋىمەن بايلانىستى. سونداي-اق ازاماتتاردىڭ كەيبىر توپتارىنىڭ ۆاكسيناتسيانىڭ پايداسىنا كۇمان كەلتىرىپ، قوعامدىق ورىنداردا جانە قوعامدىق كولىكتەردە بەتپەردە رەجيمىن ساقتاماۋى دا قالاداعى ەپيدەميولوگيالىق جاعدايدىڭ ۋشىعا تۇسۋىنە تۇرتكى بولدى.

«تاعى ءبىر ايتا كەتەتىن ماسەلە بەلسەندىلىگى جوعارى 20 جاستان اسقان جاستاردىڭ ماسكا تاعۋ، اراقاشىقتىق سياقتى كارانتين تالاپتارىن ساقتاماي ۆيرۋس جۇقتىرىپ، ونى وتباسى مۇشەلەرىنە جۇقتىردى. ءسويتىپ، ۆيرۋستى گيپەرتاراتۋشىعا اينالدى»، - دەدى بەكشين.