الماتىدا كوۆيد ستاتسيونارلار جابىلىپ جاتىر
بۇل تۋرالى ونلاين بريفينگ بارىسىندا قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ ءمالىم ەتتى، دەپ حابارلايدى قازاقپارات ءتىلشىسى.
«قالادا كوروناۆيرۋس ينفەكسياسىن جۇقتىرعان ناۋقاستار سانىنىڭ ازايۋىنا بايلانىستى، ينفەكسيالىق ستاتسيونارلار، كوپبەيىندى اۋرۋحانالار اقىرىنداپ قالىپتى جۇمىسىنا ورالادى. سونىمەن، «تەرى- ۆەنەرولوگيالىق ديسپانسەرى»، «قالالىق رەۆماتولوگيالىق ورتالىق»، «HAK Medical» كلينيكالىق ستاتسيونارى، «ب. جاربوسىنوۆ اتىنداعى عىلىمي ۋرولوگيا ورتالىعى»، «Astana International» قوناق ءۇيى كۇندەلىكتى جۇمىسىنا كىرىستى»، - دەيدى سپيكەر.
ونىڭ ايتۋىنشا، كەشەدەن بەرى «حالىق ارەنا» سپورت كەشەنىندەگى ستاتسيونارلارعا ناۋقاستاردى قابىلداۋ توقتاتىلدى.
«بۇل نىسان جاڭا جىلعا دەيىن رەزەرۆتە بولادى. ەگەر، ۆيرۋس جۇقتىرعاندار سانى كۇرت ءوسىپ كەتەتىن بولسا، قايتا اشاتىن بولامىز. سونىمەن قاتار، وسى اپتادا كارديولوگيالىق ورتالىق پەن جەدەل جاردەم اۋرۋحاناسىندا اشىلعان پروۆيزورلىق ورتالىق جابىلادى»، - دەدى ناريمان تابىنبايەۆ.
