13:21, 09 - قىركۇيەك 2021 | GMT +5
اتىراۋدا جول جوندەۋشىلەردىڭ شاينەگى جۇرتتى كۇلدىردى - ۆيدەو
نۇر-سۇلتان. قازاقپارات - بالىقشى اۋىلىنداعى كوپىردى جوندەۋ جۇمىستارىن جۇرگىزىپ جاتقان جۇمىسشىلاردىڭ جولدىڭ جارىلعان جەرلەرىنە شاينەكپەن ءبىر سۇيىقتىق قۇيىپ جاتقان ۆيدەوسى تارادى، - دەپ حابارلايدى «اق جايىق».
پورتال مالىمەتىنشە، 13-تامىزدان باستاپ بالىقشىداعى كوپىر جوندەۋگە جابىلعان. الايدا الەۋمەتتىك جەلىدە تاراعان ۆيدەودان كەيىن كوپشىلىك جاسالىپ جاتقان جۇمىستىڭ ساپاسىنا قاتىستى «كۇمان كەلتىرە» باستاعان.
«جوندەۋدى وسىلاي جاسايدى. سۋپەر!»، - دەپ مىسقىلدايدى بەينەجازبا اۆتورى.
ال الەۋمەتتىك جەلىدەگى كەيبىر پىكىرلەردىڭ اراسىندا بۇل شاينەك قانشا ميلليون تۇرادى جانە ونىڭ باعاسى جوندەۋ جۇمىستارىنىڭ قۇنىنا قوسىلعان با دەگەن سۇراق كەزدەسەدى.
«اق جايىققا» قالا اكىمدىگىنەن ازىرگە رەسمي جاۋاپ كەلمەگەن.
