قازاقستاندا ستۋدەنتتەر، ماگيسترانتتار مەن دوكتورانتتاردىڭ شاكىرتاقىسى ءوستى
ق ر ءبىلىم جانە عىلىم مينيسترلىگىنىڭ باسپا ءسوز قىزمەتى تاراتقان اقپاراتقا قاراعاندا، باكالاۆر باعدارلاماسى بويىنشا وقيتىنداردىڭ شاكىرتاقىسى %20 عا، ال ماگيسترانتتار مەن دوكتورانتتاردىڭ شاكىرتاقىسى %15 عا ۇلعايتىلدى، دەپ حابارلايدى قازاقپارات.
«باكالاۆردا وقيتىن ستۋدەنتتەردىڭ شاكىرتاقىسى 26186 تەڭگەدەن 31423 تەڭگەگە دەيىن ارتتى. پەداگوگيكالىق باعىت بويىنشا وقيتىن ج و و ستۋدەنتتەرى بۇرىن 42000 تەڭگە السا، ەندى 50400 تەڭگە الاتىن بولادى. ءبىز پرەزيدەنتتىڭ تاپسىرماسىن ورىنداپ، بولاشاق دارىگەرلەردىڭ ستيپەندياسىن ەداۋىر ارتتىردىق. ولار 26186 تەڭگەنىڭ ورنىنا 50400 تەڭگە الاتىن بولادى. وتكەن جىلدىڭ قاڭتار ايىندا مەملەكەت باسشىسىنىڭ تاپسىرماسى بويىنشا شاكىرتاقى %25 عا ۇلعايتىلدى. شىن مانىندە، سوڭعى ەكى جىلدا باكالاۆرياتتا وقيتىن ستۋدەنتتەردىڭ ستيپەندياسى شامامەن 2 ەسە ارتتى»، - دەدى ءبىلىم جانە عىلىم ۆيتسە- ءمينيسترى قۋانىش ەرعاليەۆ.
سونىمەن قاتار ماگيسترانتتار، دوكتورانتتار مەن ينتەرندەردىڭ دە شاكىرتاقىلارى ارتتى. ەگەر بۇرىن ماگيسترانتتار 66913 تەڭگە السا، ەندى ولاردىڭ اي سايىنعى ستيپەندياسى 76950 تەڭگەنى قۇرايدى. دوكتورانتتار ستيپەندياسى 150000 تەڭگەدەن 172500 تەڭگەگە دەيىن، ينتەرندەردە - 47431 تەڭگەدەن 59289 تەڭگەگە دەيىن ءوستى. ايتا كەتەيىك، بيىل مۇنداي قولداۋ شارالارى «Nur Otan» پارتياسىنىڭ سايلاۋالدى باعدارلاماسىن ورىنداۋ جونىندەگى جول كارتاسى شەڭبەرىندە جۇزەگە اسىرىلىپ جاتىر.
«وزگەرىستەر مەن تولىقتىرۋلار ۇكىمەت قاۋلىسىمەن جوعارى وقۋ ورىندارىنىڭ ءبىلىم الۋشىلارىنا مەملەكەتتىك ستيپەنديالاردى تولەۋ، ولاردىڭ مولشەرى جانە تاعايىنداۋ ەرەجەسىنە ەنگىزىلدى»، - دەلىنگەن ق ر ب ع م باسپا ءسوز قىزمەتى تاراتقان اقپاراتتا.
