وزبەكستاندىق عالىمدار جەۋگە جارامدى ۆاكسينا ويلاپ تاپتى
ويتكەنى بۇل ءونىم ازىرگە كلينيكاعا دەيىنگى سىناقتان ءوتىپ جاتىر. جەۋگە جارامدى ۆاكسينانىڭ العاشقى كەزەڭى ءدال وسى زەرتحانادان باستالادى. قازىر وزبەكستاندىق عالىمدار ماقتا، تەمەكى جانە قىزاناق وسىرۋدە. بۇلاردىڭ بارلىعى – گ م و ونىمدەر. ويتكەنى ءار وسىمدىكتىڭ جاسۋشاسىنا COVID-19-دىڭ گەنى ەنگىزىلگەن. سوندىقتان وسىمدىكتەر ترانسفورماتسيالانىپ وسەدى دەيدى ماماندار. اراسىندا جاقسى ناتيجە كورسەتكەن قىزاناق بولعان.
زابارداست بۋريەۆ، عىلىم اكادەمياسى گەنوميكا جانە بيوينفورماتيكا ورتالىعىنىڭ ديرەكتورى:
- ءبىز كوروناۆيرۋستىڭ S اقۋىزىن كلوندادىق. كەيىن ونى قىزاناققا ەنگىزدىك. نەگە بۇل ءونىم تاڭدالدى دەگەن سۇراق تۋۋى مۇمكىن. ويتكەنى، بۇل كوكونىستى ءبىز تەرمووڭدەۋدەن وتكىزبەي- اق جەي بەرەمىز. ەگەردە قىزاناقتى سۋدا قايناتساق نەمەسە ىستىق تەمپەراتۋرادا ۇستاساق، وندا ۆاكسينانىڭ قاسيەتى جويىلىپ كەتەدى. بۇل ءونىم اسقازان ارقىلى ىشەككە وتكەننەن كەيىن اعزاعا ەركىن سىڭەدى. سودان سوڭ انتيدەنەلەر پايدا بولا باستايدى.
جەۋگە جارامدى ۆاكتسينانىڭ تيىمدىلىگى جوعارى، ءارى ادامدارعا قولدانۋعا بولادى دەۋگە ءالى ەرتە. سەبەبى قازىر كلينيكاعا دەيىنگى سىناقتار ءوتىپ جاتىر. ياعني، ءونىم زەرتحانالىق تىشقانداردىڭ تاماعىنا قوسىلىپ بەرىلۋدە. بارلىق تەكسەرىستى تولىققاندى جۇرگىزۋ ءۇشىن شامامەن 2-3 -جىل ۋاقىت قاجەت. ال مۇنداي ۆاكسينانىڭ تيىمدىلىگى - ونى ءوسىرۋ مەن قولدانۋ ءۇشىن كوپ قارجى كەتپەيدى دەيدى ماماندار.
زابارداست بۋريەۆ، عىلىم اكادەمياسى گەنوميكا جانە بيوينفورماتيكا ورتالىعىنىڭ ديرەكتورى:
- بۇل ۆاكسينا قاراپايىم قىزاناق سەكىلدى وسەدى. ەرەكشە كۇتىپ- باپتاۋدىڭ قاجەتى جوق. ءدانىن ەكەننەن باستاپ ءونىم شىققانعا دەيىن 3 اي ۋاقىت كەتەدى.
الداعى ۋاقىتتا جەۋگە جارامدى ۆاكسينانى كەز كەلگەن ادام الىپ وسىرە الا ما دەپ كوپ سۇرايدى. جاۋاپ - جوق. ءبىز ونداي مۇمكىندىك بەرمەيمىز. ءبىزدىڭ باقىلاۋىمىزدا بولاتىن ارنايى پلانتاتسياعا عانا ەگىلەدى. ويتكەنى قاجەتتى دوزانى بەلگىلەۋىمىز قاجەت. ياعني، ادام ەمىن- ەركىن بازاردان ساتىپ الىپ، جەي المايدى. تەك ءدارىحانالاردا عانا ساتىلادى دەپ جوسپارلاپ وتىرمىز.
قازىر كلينيكالىق سىناقتار باستالماعاندىقتان ءدوپ باسىپ ايتا المايمىن. جالپى جەۋگە جارامدى ۆاكتسينا جاساۋ ادامزات ءۇشىن تىڭ جاڭالىق ەمەس. بۇعان دەيىن دە ءتۇرلى ەلدىڭ عالىمدارى گەپاتيت، شەشەك سىندى اۋرۋلارعا قارسى تۇرا الاتىن وسىمدىك تەكتەس ەكپەلەردى جاساعان.
قازىر وزبەكستاندىق عالىمدارمەن قاتار كانادا جانە رەسەي مەملەكەتتەرىنىڭ ماماندارى دا كوروناۆيرۋس ينفەكتسياسىنا داۋا بولا الاتىن جەۋگە جارامدى ۆاكسينا جاساۋدا. ازىرگە ەشبىر ەلدىڭ ويلاپ تاپقانى قولدانىسقا ەنگەن جوق. سەبەبى كوپتەگەن سىناقتان ەگجەي- تەگجەيلى ءوتۋى ءتيىس.
