د د س ۇ دامىعان ەلدەردىڭ ۆاكسينا ساياساتىن سىنعا الدى

نۇر-سۇلتان.قازاقپارات -«دامىعان ەلدەر كوروناۆيرۋسقا قارسى ۆاكسينا مەن وزگە دە ەمدەۋ قۇرالدارىنان قور جاساقتاۋى الەمدە پاندەميانى ودان ءارى ۇزارتادى». دۇنيەجۇزىلىك دەنساۋلىق ساقتاۋ ۇيىمى وسىلاي دەپ مالىمدەدى.

ۇيىم وكىلدەرىنىڭ پايىمىنشا، بۇل ادامگەرشىلىككە جات سەبەبى قازىر كەدەي ەلدەردە ىندەتكە قارسى تۇرۋ ءۇشىن ەكپە جەتىسپەي جاتىر. ايتا كەتەيىك، الەمدە كەدەي ەلدەردى كوروناۆيرۋسقا قارسى ۆاكتسينامەن قامتاماسىز ەتۋ وسى ۇيىمنىڭ قولداۋىمەن كوۆاكس باعدارلاماسى ارقىلى جۇزەگە اسىرىلىپ جاتىر. ونىڭ شەڭبەرىندە قازىرگە دەيىن الەمنىڭ 139 ەلىنە 230 ميلليوننان اسا دوزا ۆاكتسينا جەتكىزىلگەن.

مايك رايان، د د س ۇ توتەنشە جاعداي جونىندەگى اتقارۋشى ديرەكتورى:

- دامىعان ەلدەر بۇل ماسەلەنى تۇسىنبەيدى. ولار قازىر الەمدە ۆاكسينا ءبولۋ ادىلەتتى ءجۇرىپ جاتىر دەپ ويلايدى. ءبىراق شىندىعىن ايتقاندا بۇل ەلدەر ۆاكسينانى وزدەرىنە كوپتەپ جيناپ، وزگەلەرمەن ءبولىسىپ جاتقان جوق. سالدارىنان پاندەميا ۇزاققا سوزىلادى.

www.24.kz