الماتىدا ەپيدەميولوگيالىق احۋال تۇراقتالىپ، ىندەت جۇقتىرعاندار ازايدى - ساعىنتايەۆ
باقىتجان ساعىنتايەۆتىڭ مالىمەتىنە سايكەس، الماتىدا ەپيدەميولوگيالىق احۋال تۇراقتاندى. تاۋلىكتىك ءوسىم %1,0 دان %0,7 عا دەيىن تومەندەدى. الايدا، ەپيدەميولوگيالىق جاعدايدى باعالاۋ ماتريتساسىندا قالا «قىزىل» ايماقتا تۇر.
«قالا تۇرعىندارى اراسىندا پتر زەرتتەۋى وڭ ناتيجەسىنىڭ سانى تومەندەپ جاتىر. ەگەر 26- تامىزدا - 1561 بولسا، ال 7- قىركۇيەكتە - 911. سايكەسىنشە، R سانى (جۇقتىرۋ يندەكسى) 1,02 دەن 0,86 عا دەيىن تومەندەۋىن جالعاستىرىپ وتىر»، - دەدى اكىم.
7- قىركۇيەكتەگى جاعداي بويىنشا قالادا ءبىر تاۋلىكتە 911 ادام كوروناۆيرۋس جۇقتىردى. ونىڭ 872 ءسى - سيمپتومدى. انىقتالماعان پنيەۆمونيا - 12.
«ينفەكتسيالىق ستاتسيونارلاردا جالپى سىيىمدىلىعى 7705 توسەك- ورىن بار، مۇندا 3754 ادام ەمدەلىپ جاتىر. ونىڭ ىشىندە 116 بالا. 184 ناۋقاس وتە اۋىر جاعدايدا، 1534 اۋىر جاعدايدا، 2033 ورتاشا جانە 3 جەڭىل دارەجەدە. جانساقتاۋ بولىمىندە بارلىعى 339 ناۋقاس جاتىر. ءو ج ج اپپاراتىندا - 58، ينۆازيۆتى ەمەس ءو ج ج اپپاراتىندا - 137، High flow اپپاراتىندا - 168»، - دەدى باقىتجان ساعىنتايەۆ.
