اۋعانستاندا كىمدەر لاۋازىمدى ورىندارعا تاعايىندالدى

نۇر- سۇلتان. قازاقپارات - پرەمەر- ءمينيستردىڭ مىندەتىن قانداعاردا دۇنيەگە كەلگەن، مولدا موحامماد حاسان احۋند اتقاراتىن بولدى. ول وسى ۋاقىتقا دەيىن تالىپتەردىڭ جوعارعى كەڭەسى شۋرانى باسقارعان.

ونىڭ ەكى ورىنباسارى بولادى. بۇل لاۋازىمنىڭ بىرىنە «تاليبان» ساياسي كەڭسەسىنىڭ جەتەكشىسى ابدۋل گاني بارادار بەكىتىلسە، ەكىنشىسىنە ابدۋل سالام حانافي تاعايىندالدى.

تاعى ءبىر ماڭىزدى سالا ىشكى ىستەر مينيسترىلىگن سيرادجۋددين حاككاني باسقارادى. ونى كەزىندە ا ق ش- تىڭ تەرگەۋ بيۋروسى ىزدەۋگە جاريالاپ، ول تۋرالى اقپارات ءۇشىن 5 ميلليون دوللار سىياقى دا تاعايىنداعان ەدى.

ال راديكالدى قوزعالىستىڭ جەتەكشىسى ماۆلاۆي حايباتۋللا احۋندزادا ەلدىڭ ءدىني كوسەمى اتانعان. بيلىك تە وسى تۇلعانىڭ قولىندا شوعىرلانادى. قالاي دەگەنمەن، تالىپتەر وزدەرىنىڭ وزگەرگەن ساياسي كۇش ەكەنىن سەندىرىپ، حالىققا توزىمدىلىك تانىتۋعا شاقىرىپ وتىر.

زابيۋللا مۋدجاحيد، «تاليبان» قوزعالىسىنىڭ وكىلى:

- ءبىزدىڭ ەل باسقىنشىلىقتان ازات ەتىلىپ، ەركىندىگىن الدى. حالىق قاۋىپسىزدىككە قول جەتكىزىپ، العاش رەت مىقتى ۇكىمەت جاساقتالىپ وتىر. ادامدار زاڭدىق، ەكونوميكالىق جانە الەۋمەتتىك تۇرعىدان قورعالۋ ءۇشىن كەشەندى ءىس- شارالار قولعا الىناتىن بولادى.

جالپى ۇكىمەت ءالى تولىق جاساقتالىپ بىتپەگەن. قازىرگە دەيىن 19 مينيستر مەن ورتالىق بانك، باس شتاب جانە بارلاۋ قىزمەتىنىڭ باسشىسى تاعايىندالعان. تاعى ءبىر قىزىقتى جايت ءدال وسى بارلاۋ قىزمەتى جەتەكشىسى بولىپ، 2002-2014 -جىلدارى گۋانتانامو تۇرمەسىندە وتىرىپ، كەيىن امەريكاندىق اسكەريگە ايىرباستالعان ابدۋل حاك ۆاسيك بەكىتىلدى. قالعان مينيسترلەر مەن ۆەدومستۆولاردىڭ باسشىلارى جۋىق ارادا بىرتىندەپ تاعايىندالاتىن بولادى.

ا ق ش جانە ەۋروپانىڭ كەيبىر ەلدەرى تالىپتەردىڭ جاڭا ۇكىمەتىنىڭ قۇرامىنا الاڭداۋشىلىعىن ءبىلدىردى. اسىرەسە مينيسترلەر كابينەتىندە بىردە ءبىر ايەلدىڭ بولماۋىن سىنادى. ال بىرىككەن ۇلتتار ۇيىمى تالىپتەر بيلىگىن تانۋعا قاتىسپايتىنىن ءبىراق ەلدەگى بەيبىت ءومىر ورناۋى ءۇشىن قولداۋ كورسەتۋگە ءازىر ەكەنىن ايتتى.

فارحان حاك، ب ۇ ۇ باس حاتشىسىنىڭ رەسمي وكىلى:

- ب ۇ ۇ ۇكىمەتتەردى تانۋ ىستەرىنە ارالاسپايدى. بۇل ۇيىمعا مۇشە ەلدەردىڭ قۇزىرىنداعى مىندەت. ال بۇگىنگى اۋعانستانداعى ۇكىمەتتىڭ جاساقتالۋىنا بايلانىستى مىنانى ايتامىز. اۋعانستاندا تەك جالپى ۇلتتىق كەلىسىلگەن بيلىك قۇرىلعان دا عانا تۇراقتى بەيبىتشىلىك ورنايدى. ءبىز ەلدەگى جاعدايدى بەيبىت رەتتەۋگە، ادام قۇقىقتارىن قورعاۋدى قولداۋعا جانە حالىققا گۋمانيتارلىق كومەك كورسەتۋگە دايىنبىز.

كابۋلدا ۋاقىتشا ۇكىمەت قۇرامى جاريالانا سالىسىمەن جۇزدەگەن ادام كوشەگە شىعىپ، تالىپتەردىڭ بيلىگىنە قارسى نارازىلىق شەرۋى ءوتتى. حالىق پاندجشەر پروۆينتسياسىندا قارسىلىق تانىتۋشى ۇلتتىق مايدانعا قولداۋ ءبىلدىرىپ، پاكىستاندى ايىپتادى. تالىپتەر شەرۋدى كۇشتەپ تاراتتى. جەرگىلىكتى تەلەارنانىڭ ءبىر ءتىلشىسى جاراقات الىپ، ونىڭ وپەراتورى قامالعان. وزگە جاپا شەككەندەر تۋرالى اقپار جوق.

- اۋعانستان ءاردايىم تاۋەلسىز ەل بولعان. پاكىستانعا بۇل جەردە ورىن جوق. ولار ءبىزدىڭ مەملەكەتتىڭ ىشكى ىستەرىنە ارالاسۋىن توقتاتىپ، ەلدەن كەتۋى ءتيىس. «تاليبان» ۇكىمەتىن الەمدە ءالى ءبىر دە ءبىر مەملەكەت مويىنداعان قويعان جوق. ا ق ش، رەسەي جانە ەۋروپا ەلدەرى تالىپتەرمەن جۋىق ارادا رەسمي قاتىناس ورناتا قويمايتىنىن جانە قوزعالىستىڭ ءىس- ارەكەتىن مۇقيات قاداعالايتىنىن ايتىپ وتىر. جانە رەسمي بايلانىس «تاليبان» وزىنە العان حالىقارالىق مىندەتتەردى ورىنداپ، ەلدى وركەنيەتتى جولمەن دامىتۋ جولىنا تۇسسە عانا قالىپتاساتىنىن ەسكەرتتى.

www.24.kz