الەم كوروناۆيرۋس جۇقتىرۋ شىڭىنان ءوتتى - د د س ۇ

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) ساراپشىسى ماريا ۆان كەركحوۆتىڭ ايتۋىنشا، الەم كوروناۆيرۋس ينفەكسياسىنىڭ اۋىر كەزەڭىنەن ءوتتى، ءبىراق COVID-19 تارالۋىنا قاتىستى جاعداي ءالى دە الاڭداتىپ وتىر ۇيىم سايتى.

د د س ۇ كوروناۆيرۋستىڭ ءالى دە ۇلكەن كۇش- قۋاتى مەن الەۋەتى بار ەكەنىن اتاپ ءوتتى. كەركحوۆتىڭ سوزىنشە، ۆيرۋس جۇقتىرۋ سانى ازايعانىمەن، اپتا سايىن شامامەن 4,5 ميلليون جاڭا جاعداي تىركەلەدى، ال ءولىم سانى اپتاسىنا 68 مىڭعا جەتەدى.

«ءبىز بۇكىل الەمدەگى جاعدايلارعا قاتىستى ۆيرۋس جۇقتىرۋ شىڭىنان وتتىك (اۋرۋ شىڭىنان كەيىنگى كەزەڭ - اۆت. )، ءبىراق بۇل وتە جوعارى دەڭگەيدە تۇر. اپتا سايىن 4,4-4,5 ميلليون جاعداي انىقتالادى جانە بۇل ناقتى جاعدايلاردىڭ سانىنان از»، - دەلىنگەن حابارلامادا.

سونىمەن قاتار، د د س ۇ وكىلى «ءار ايماقتا جاعداي ءارتۇرلى» ەكەنىن ايتتى. مىسالى، سولتۇستىك جانە وڭتۇستىك امەريكادا COVID-19 جۇقتىرۋ مەن ءولىم سانى وسكەنى بايقالادى، ال ەۋروپادا جاڭا جاعدايلار ازايسا دا، ءولىم دەڭگەيى تومەندەمەي جاتىر.