09:49, 08 - قىركۇيەك 2021 | GMT +5
الماتىدا جەراستى وتكەلىن سۋ باستى
الماتى. قازاقپارات- الماتىداعى جاياۋ جۇرگىنشىلەر وتكەلىن سۋ باستى، دەپ حابارلايدى قازاقپارات ءتىلشىسى.
قالا تۇرعىندارى ابىلاي حان مەن گوگول كوشەلەرىنىڭ قيىلىسىنداعى جەراستى جاياۋ جۇرگىنشىلەر وتكەلىنىڭ توبەسىنەن سۋ اعىپ جاتۋىنا بايلانىستى شاعىمداندى. المالى اۋدانى اكىمدىگىنىڭ مالىمەتىنشە، 2018 -جىلى جەراستى وتكەلىن جوندەۋ بارىسىندا، ونىڭ توبەسىنە گيدرووقشاۋلاعىش ورناتىلماعان.
«ءبىز ابىلاي حان كوشەسىندەگى ارىق جەلىسىنىڭ بويىمەن سۋ جىبەرگەندە، وسى جەراستى وتكەلىنىڭ توبەسىنىڭ شىعىس جاعىنان سۋ كەتە باستايدى. بۇل جاعداي سۋ اعىنى كوپ مولشەردە كەلسە عانا بولادى. سول سەبەپتى سۋدىڭ كەتىپ جاتقان جەرىن انىقتاۋ ءۇشىن ادەيى كوپ مولشەردە سۋ جىبەرەمىز. ازىرگە سۋدىڭ قايدان كەتىپ جاتقانى بەلگىسىز. سوندىقتان سۋدىڭ كەتىپ جاتقان جەرىن انىقتاپ، ونى جويۋ ءۇشىن جول توسەمىن اشۋ كەرەك سەكىلدى»، - دەپ حابارلادى المالى اۋدانى اكىمدىگىنىڭ اباتتاندىرۋ ءبولىمى.
