كوروناۆيرۋس جۇقتىرعان ادامنىڭ تىرناعىندا قانداي بەلگى بولادى؟

نۇر-سۇلتان. قازاقپارات - كوروناۆيرۋس جۇقتىرعان ادامدى تىرناعىنا قاراپ بىلۋگە بولادى. وسىلاي دەيدى ۇلى بريتانيانىڭ دەرماتولوگتار قاۋىمداستىعىنىڭ ماماندارى.

ولاردىڭ ايتۋىنشا، كوروناۆيرۋس ادام اعزاسىنا اۋىر ينفەكسيالاردىڭ ءبىرى، سوندىقتان ونىڭ بەلگىلەرى مەن تيگىزگەن زاقىمى سىرتقا دا ءبىلىنىپ تۇرادى. ءارى دارىگەرلەر ىشتەگى اۋرۋدى سىرتقى، تەرىدەگى بەلگىلەرگە قاراپ انىقتايتىنى تاعى بار. سونداي بەلگىلەرىنىڭ ءبىرى - تىرناق.

اۋىرعان، كەيىن جازىلىپ شىققان ادامنىڭ تىرناعىندا كولدەنەڭ سىزىقتار بولۋى مۇمكىن. ونداي سىزىق كوزگە وڭاي كورىنەدى. كەيبىرى شۇڭقىرلاۋ بوپ كەلەدى. ونىڭ ورنىنا جارتى اي ىسپەتتەس قىزىق داق پايدا بولۋى مۇمكىن.

مامانداردىڭ ايتۋىنشا، تىرناقتىڭ ۇشى توقسارىلاۋ بولسا، ءتۇبى ءتۇسىپ قالسا دا - كوروناۆيرۋستىڭ بەلگىسى.

ادام كوۆيدپەن اۋىرعان كەزدە، تىرناقتىڭ ءوسۋى دە باياۋلاپ، جوعارىدا ايتىلعان بەلگىلەر سودان پايدا بولادى ەكەن.

massaget.kz