جۋرناليستى اكىمدىكتەن كۇشتەپ شىعارعان: الماتىداعى كۇزەت مەكەمەسى ليتسەنزياسىنان ايىرىلدى

الماتى. قازاقپارات - الاتاۋ اۋداندىق اكىمدىگىنەن كۇشتەپ شىعارىلعان «حابار 24» جۋرناليسىنىڭ وقيعاسىنان كەيىن كۇزەت اگەنتتىگى ليتسەنزياسىنان ايىرىلدى، دەپ حابارلايدى قازاقپارات ءتىلشىسى.

الماتى پوليتسياسىنىڭ باسپا ءسوز قىزمەتى بۇل اقپاراتتى راستادى.

«مەكەمە باسشىسىن پوليتسياعا شاقىرىپ، قىزمەتتى جالعاستىرماۋى ءۇشىن ليزەنتسياسى الىندى»، - دەپ حابارلادى ۆەدومستۆادان.

ەسكە سالايىق، 24- تامىز كۇنى الماتىنىڭ الاتاۋ اۋدانى اكىمدىگىنىڭ كۇزەتشىسى «حابار 24» تەلەارناسىنىڭ جۋرناليسىن كوتەرىپ، اكىمدىك عيماراتىنان شىعارىپ جىبەردى.

بۇل وقيعاعا بايلانىستى ق ر اقپارات جانە قوعامدىق دامۋ ءمينيسترى ايدا بالايەۆا دا ءوز ويىن ءبىلدىردى.

ءمينيستردىڭ مالىمدەۋىنشە، جۋرناليستەردىڭ قۇقىعىن بۇزۋعا، ولاردىڭ رەسمي جۇمىسىنا كەدەرگى كەلتىرىپ، كۇش كورسەتۋگە ەشقاشان جول بەرىلمەۋى كەرەك.

كەيىن وسى فاكتى بويىنشا الاتاۋ اكىمدىگىندە كوميسسيا قۇرىلدى، قىزمەتتىك تەرگەۋ باستالدى.