پرەزيدەنتتىڭ جاستار كادر رەزەرۆىنە ەكىنشى رەت ىرىكتەۋ ءجۇرىپ جاتىر

نۇر-سۇلتان. قازاقپارات - مەملەكەت باسشىسىنىڭ تاپسىرماسىمەن پرەزيدەنتتىك جاستار كادر رەزەرۆىنە ەكىنشى رەت ىرىكتەۋ ءجۇرىپ جاتىر.

ونىڭ قورىتىندىسى بويىنشا 50 ادام ىرىكتەلىپ الىنادى، دەپ حابارلايدى قازاقپارات ق ر مەملەكەتتىك قىزمەت ىستەرى اگەنتتىگىنە سىلتەمە جاساپ.

بۇل جوبا جاس قازاقستاندىقتارعا ءوز ءبىلىمىن ءىس جۇزىندە قولدانىپ، ەل ءۇشىن جۇمساۋعا مۇمكىندىك بەرەدى.

رەزەرۆكە الىنعاندار ساياسي قىزمەتكە، «ا» كورپۋسىنىڭ اكىمشىلىك قىزمەتىنە، «ب» كورپۋسىنىڭ باسشىلىق قىزمەتتەرىنە جانە «ب» كورپۋسىنىڭ ا دەڭگەيىندەگى قىزمەتتەرگە تاعايىندالا الادى.

رەزەرۆكە الىنۋ ءۇشىن ۇمىتكەرلەر بىرنەشە كەزەڭنەن وتەدى، سونىڭ ىشىندە:

- ۇمىتكەرلەردىڭ قۇجاتتارىن قابىلداۋ - كۇردەلى ساندىق جانە ماتىندىك اقپاراتتارمەن جۇمىس ىستەۋ قابىلەتىنە باعا بەرۋ - سيتۋاتسيالىق تاپسىرمانى شەشۋ؛

- قۇزىرەتىنە باعا بەرۋ؛

- ساراپتاما كوميسسياسىندا اڭگىمەلەسۋدەن ءوتۋ؛

- ق ر پرەزيدەنتى جانىنداعى جاستار كادر ساياساتى جونىندەگى ۇلتتىق كوميسسيا وتىرىسى.

كوپتەگەن كەزەڭدەر ونلاين رەجيمدە وتەدى. قۇجات قابىلداۋ 2021-جىلدىڭ 1-30- قىركۇيەگى ارالىعىندا ءجۇرىپ جاتىر.

پرەزيدەنتتىك رەزەرۆتە 3 جىل تۇرادى. پرەزيدەنتتىك رەزەرۆكە ىلىككەندەر مىندەتتى تۇردە قىزمەتكە تاعايىندالادى دەگەن شارت جوق.

كونكۋرستىڭ ەرەجەلەرى مەن تالاپتارى pkrezerv.gov.kz سايتىندا جاريالانعان.

1- قىركۇيەكتە ىرىكتەۋگە قاتىسۋعا 281 ازامات ءوتىنىش بەرگەن، سولاردىڭ اراسىندا شەتەلدە تۇرىپ جاتقان وتانداستارىمىز دا بار.

قۇجاتتاردى قابىلداۋ 2021-جىلدىڭ 30- قىركۇيەگىنە دەيىن جۇرەدى.