تۇركىستان وبلىسىندا پويىزدىڭ توقتاتۋ كرانىن قوسقان جولاۋشى جاۋاپكەرشىلىككە تارتىلدى
«5- قىركۇيەكتە جامبىل وبلىسىنىڭ «بۋرىلبايتال- قاراساي» ارالىعىندا توقتاتۋ كرانىن قولدانۋىنا بايلانىستى «نۇر- سۇلتان- نۇرلى جول - الماتى-2» باعىتىنداعى جولاۋشىلار پويىزى كەنەت توقتاعان. جوسپارلانباعان ايالداۋ 4 مينۋتقا سوزىلدى. تەكسەرۋ بارىسىندا كولىك پوليتسەيلەرى زاڭعا قايشى ارەكەت جاساعان جولاۋشىنى انىقتادى. ول تۇركىستان وبلىسىنىڭ 42 جاستاعى تۇرعىنى بولىپ شىقتى. ونىڭ ماس كۇيىندە توقتاتۋ كرانىن جۇلىپ العانى انىقتالدى»، - دەدى كولىكتەگى پوليتسيا دەپارتامەنتىنىڭ باستىعى وڭال بەكەيەۆ ايتتى.
مەديتسينالىق كۋالاندىرۋدىڭ قورىتىندىسىنا سايكەس ونىڭ «ورتاشا دارەجەدەگى» ماساڭ كۇيدە بولعانى انىقتالدى. توقتاتۋ كرانى تەك ەرەكشە جاعدايدا عانا قولدانىلادى، ياعني ۆاگوندا جولاۋشىلاردىڭ ومىرىنە نەمەسە قوزعالىس قاۋىپسىزدىگىنە قاۋىپ توندىرەتىن اقاۋ پايدا بولعان كەزدە، سونداي- اق ءورت شىققان جاعدايدا عانا پايدالانۋعا رۇقسات ەتىلەدى. پويىز كوپىردە نەمەسە كوپىردىڭ استىندا جانە جولاۋشىلاردى ەۆاكۋاتسيالاۋعا جول بەرمەيتىن باسقا دا جەرلەردە تۇرىپ قالعان جاعدايدا ونى قوسۋعا بولمايدى.
«كولىك ساقشىلارى قۇقىق بۇزۋشىنى پويىزدان ءتۇسىرىپ، ق ر ا ق ب ت ك - ءنىڭ 440-بابى 1-بولىگى، ياعني ىشىمدىك ءىشۋ نەمەسە قوعامدىق ورىندارعا ماساڭ كۇيدە كەلۋ جانە 560-بابىنىڭ 1-بولىگى، ياعني قاجەتسىز رەتتە پويىزدى زاڭسىز توقتاتۋ بويىنشا اكىمشىلىك حاتتامالار تولتىردى»، - دەدى و. بەكيەۆ.
ونىڭ ايتۋىنشا، جىل باسىنان بەرى ءارتۇرلى اكىمشىلىك قۇقىق بۇزۋشىلىق جاساعانى ءۇشىن كولىك پوليتسەيلەرى 30667 ادامدى ۇستادى، ونىڭ ىشىندە ىشىمدىك ىشكەنى نەمەسە قوعامدىق ورىندارعا ماس كۇيىندە كەلگەنى ءۇشىن - 3186 ازاماتتى اكىمشىلىك جاۋاپكەرشىلىككە تارتتى. سونداي- اق، توقتاتۋ كرانىن جۇلىپ الۋعا قاتىستى 27 جاعدايى تىركەلگەن.
