ماگيستراتۋرا مەن دوكتورانتۋراعا قىستا دا تۇسۋگە بولادى
«ەگجەي- تەگجەيلى تالقىلاۋدان كەيىن ءبىز قابىلداۋ ەرەجەلەرىنە وزگەرىستەر ەنگىزۋ تۋرالى شەشىم قابىلدادىق. ەندى ماگيستراتۋرا مەن دوكتورانتۋراعا قابىلداۋ جىلىنا ەكى رەت وتكىزىلەدى. ياعني، ماگيستراتۋرا مەن دوكتورانتۋراعا ءتۇسۋ ەمتيحاندارى ءداستۇرلى تۇردە تامىز ايىندا جانە قوسىمشا جەلتوقسان ايىندا ۇيىمداستىرىلادى.
وسى نورما 2021 -جىلى كۇشىنە ەنەدى دەپ جوسپارلاپ وتىرمىز. وسى ماقساتتا ۇلتتىق تەستىلەۋ ورتالىعىنىڭ قىزمەتكەرلەرى كەشەندى تەستىلەۋ مەن ءتۇسۋ ەمتيحاندارىن قوسىمشا ۇيىمداستىرادى. قۇجاتتاردى قابىلداۋ قاراشا ايىندا باستالادى»، - دەپ جازدى ءبىلىم جانە عىلىم مينيسترلىگىنىڭ باسشىسى Facebook - تەگى پاراقشاسىندا.
ايماعامبەتوۆ قۇجاتتارى مەن ەمتيحاندارىن تاپسىرۋعا، قاجەتتى سەرتيفيكاتتاردى الۋعا ۇلگەرمەگەن ازاماتتار ءۇشىن بۇل جاعىمدى جاڭالىق ەكەنىن اتاپ ءوتتى.
«جازعى قابىلداۋ ناۋقانى مەن وتكىزىلگەن ەمتيحانداردىڭ قورىتىندىسى بويىنشا ماگيستراتۋرا مەن دوكتورانتۋراعا ارنالعان ءبىلىم بەرۋ گرانتتارىنىڭ ارتىق قالۋىنا بايلانىستى ازاماتتار وسى جىلدىڭ جەلتوقسان ايىندا مەملەكەتتىك گرانتتاردى يەلەنە الادى»، - دەپ قورىتىندىلادى اسحات ايماعامبەتوۆ.
دايىندىق باعىتتارى بولىنىسىندە گرانتتاردىڭ سانى مەن قۇجاتتاردى قابىلداۋدىڭ ناقتى مەرزىمدەرى تۋرالى اقپارات قوسىمشا جاريالاناتىن بولادى.
