شىعىس قازاقستاندىقتار دابىل قاعۋدا

نۇر-سۇلتان.قازاقپارات - شىعىستاعى كۇرشىم اۋدانىنىڭ حالقى دابىل قاعىپ جاتىر. وسى اۋدانداعى بىرنەشە ەلدىمەكەندى جارىپ اعاتىن قالجىر وزەنى سوڭعى بىرنەشە كۇندە تۇسىنىكسىز تۇسكە بويالعان.

سۋدىڭ لايلانعانىن بايقاعان تۇرعىندار ۆيدەو- فوتوعا ءتۇسىرىپ الەۋمەتتىك جەلىگە جاريالاپ جاتىر. ءوزىن بوران اۋىلىنىڭ تۇرعىنىمىن دەپ تانىستىرعان ۆيدەو اۆتورى وزەن وتكەن جەكسەنبىدەن باستاپ لايلانا باستاعانىن ايتادى. ال كەشەلى بەرى ءتۇسى وزگەرىپ، ەرەكشە قويۋلانىپ كەتكەن. ال قالجىردى جاعالاي قونىستانعان 10 شاقتى ەلدىمەكەن وسى وزەننەن ەگىنى مەن مالىن سۋارىپ وتىر.

حالىقتىڭ ايتۋىنشا، قازىر سۋدىڭ لايلانعانى سونشالىق مال، ىشپەي قالعان. بىرنەشە قۇزىرلى ورگاننان قۇرىلعان كوميسسيا وزەننەن سىناما الىنىپ ول ارنايى زەرتحاناعا تەكسەرۋگە جىبەرىلگەنىن حابارلادى. كۇرشىم اۋدانى تۇرعىندارى وزەندى وسى وڭىردەگى التىن شاياتىن كومپانيالار بىلعاپ جاتىر دەگەن بولجام ايتادى.

جالپى، قالجىر وزەنىنىڭ بۇلاي لاستانۋى العاش ەمەس. وسىدان ءبىر جىل بۇرىن دا بولعان. سول كەزدە وبلىستاعى وسى سالاعا جاۋاپتى قۇزىرلى ورگاندار تەكسەرۋ جۇرگىزگەنىمەن وزەننىڭ نەلىكتەن لاستاعانعانىن سول بەتى اشىپ ايتپاعان.

www.24.kz