سەرىك جۇمانعارين قۇرىلىس ماتەريالدارىنىڭ قۇنى نە سەبەپتى وسكەنىن ءتۇسىندىردى

نۇر- سۇلتان. قازاقپارات - بۇگىن ۇكىمەت وتىرىسىندا باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى سەرىك جۇمانعارين قۇرىلىس ماتەريالدارىنىڭ قۇنى نە سەبەپتى وسكەنىن ءتۇسىندىردى، دەپ حابارلايدى قازاقپارات ءتىلشىسى.

«جىل باسىنان بەرى وتاندىق قۇرىلىس ماتەريالدارى باعاسىنىڭ ءوسۋى 25 پايىزدى قۇرادى. قۇرىلىس ماتەريالدارى باعاسىنىڭ نەگىزگى ءوسۋى سىرتقى نارىقتارداعى باعا جاعدايىمەن نەگىزدەلگەن. بۇل وزگەرىستەر ارماتۋرا (ءوسىم %45)، كابەل %20، پروفليست %70، شىنى %35 جانە باسقا دا ماتەريالدار قۇنىنا اسەر ەتتى»، - دەدى س. جۇمانعارين.

ونىڭ ايتۋىنشا، باعانىڭ ءوسۋىنىڭ نەگىزىندە ەلەكتر ەنەرگياسىنا تاريفتەردىڭ ورتاشا -%12 عا، جانار- جاعارماي -%15- عا، ەنەرگەتيكالىق كومىرگە %10 عا، تەمىرجول تاسىمالدارىنا -%18 عا ءوسۋى سياقتى وبەكتيۆتى فاكتورلار بار. ولار وتاندىق ءوندىرىستىڭ قۇرىلىس ماتەريالدارى باعاسىنىڭ وسۋىنە تىكەلەي اسەر ەتتى. قۇرىلىس ماتەريالدارىنىڭ وزىندىك قۇنىنداعى وسى شىعىنداردىڭ ۇلەسى 15تەن %30 عا دەيىن قۇرايدى.

«باعانى كوتەرۋدىڭ نەگىزدىلىگىن قاراۋ جانە ءسوز بايلاسۋ بەلگىلەرىن بەلگىلەۋ ماقساتىندا قۇرىلىس ماتەريالدارىنىڭ 25 ءتۇرى (كىرپىش، بەتون، ارماتۋرا، تسەمەنت جانە ت. ب. ) بويىنشا قۇرىلىس ماتەريالدارى نارىقتارىنداعى باسەكەلەستىكتىڭ جاي- كۇيىنە تالداۋ جۇرگىزىلىپ جاتىر. تالاپتاردى بۇزۋ بەلگىلەرىن جويۋ جانە باعانى تومەندەتۋ قاجەتتىلىگى تۋرالى 75 حابارلاما جولداندى. بۇگىنگى تاڭدا 42 كومپانيا حابارلامانى ورىندادى. ونىڭ ىشىندە 35 كومپانيا باعانى تومەندەتتى:

ارماتۋراعا -%25، سەمەنتكە -%10، بەتونعا -%10، پوليەتيلەندى قۇبىرلارعا -%6، كابەلگە - 5-تەن %14 - عا دەيىن، كىرپىشكە -%3. سونىمەن قاتار بۇل باعىتتا 10 تەرگەپ- تەكسەرۋ جۇمىستارى جۇرگىزىلىپ جاتىر»، - دەدى اگەنتتىك باسشىسى.

ونىڭ سوزىنە قاراعاندا، مونوپولياعا قارسى باقىلاۋ شارالارىنىڭ ناتيجەسىندە رەسپۋبليكا بويىنشا باعا ءوسۋىنىڭ اي سايىنعى ترەندى ماۋسىم ايىنداعى 4,2 پايىزدان شىلدە ايىندا 1,7 پايىزعا دەيىن تومەندەتىلدى.