الەۋمەتتىك ماڭىزى بار تاۋار نارىقتارىن تەكسەرۋ باستالدى
بۇل تۋرالى بۇگىن ۇكىمەت وتىرىسىندا ب ق د ا ءتوراعاسى سەرىك جۇمانعارين مالىمدەدى.
الەۋمەتتىك ماڭىزى بار ازىق- تۇلىك تاۋارلارى، جانار- جاعارماي جانە قۇرىلىس ماتەريالدارى نارىقتارىنان بولەك، ۇيالى بايلانىس، ينتەرنەت قىزمەتتەرى، دارىلىك زاتتار، مەديتسينالىق بۇيىمدار، زەرتحانا قىزمەتتەرى، تۇرعىن ءۇي- كوممۋنالدىق شارۋاشىلىق، دوموفوندار، ليفت، باسقارۋشى كومپانيالار، بيللينگتىك قىزمەتتەر نارىقتارى قامتىلماق. سونداي- اق، تولەم ۇيىمدارى قىزمەتتەرىنىڭ، اسىرەسە كوممۋنالدىق قىزمەتتەرگە، مەملەكەتتىك مونوپوليالار قىزمەتتەرىنە، مەملەكەتتىك جانە جەكەشە وپەراتورلاردىڭ قىزمەتتەرىنە اقشا اۋدارۋ كەزىندە باعالاردى تومەندەتۋ بويىنشا شارالار قابىلدانادى.
شاعىمداردىڭ كوپتىگىنە بايلانىستى، مۇناي ونىمدەرىن، سۇيىتىلعان گاز، ەلەكتر ەنەرگياسىن وتكىزۋ كەزىندە تاۋار بيرجالارىن قوسا العاندا، بارلىق ماڭىزدى جۇمىس ىستەپ تۇرعان ساۋدا الاڭدارى باعالىق ءسوز بايلاسۋ جانە ساۋدا- ساتتىققا قول جەتكىزۋدى شەكتەۋ تۇرعىسىنان تەكسەرىلەدى. وسىلايشا، حالىق ءۇشىن بارلىق ماڭىزدى تاۋار نارىقتارىندا باعالاردى كەشەندى تومەندەتۋ جۇمىستارى جالعاستىرىلاتىن بولادى.
