پاۆلوداردا بار كۇزەتشىلەرى مونيتورينگتىك توپ مۇشەلەرىنە كۇش كورسەتكەن
قالا اكىمى باسپا ءسوز قىزمەتىنىڭ مالىمەتىنشە، تەكسەرۋ ناتيجەسىندە 5 قوعامدىق تاماقتانۋ ورنىندا اتالمىش نورمالاردى بۇزۋ فاكتىلەرى انىقتالدى.
«ماسەلەن، «فاراون» مەيرامحاناسىندا ۇستەلدەردە التى ادامنان ارتىق وتىردى. «پروگرەسس» مەيرامحاناسىندا سانيتارلىق دارىگەردىڭ قاۋلىسىنا سايكەس تىيىم سالىنعان ءىس- شارانىڭ وتكىزىلىپ جاتقانى تىركەلدى. سونداي-اق، بۇزۋشىلىقتار «گوگول» جانە «Garage» گاسترو- بارىندا تىركەلدى. «ماجور» لاۋندج- بارى «Asyq» جۇيەسى بويىنشا جۇمىس جاساماعان، سونداي- اق، مەكەمە بەلگىلەنگەن ۋاقىتتان كەيىن دە جۇمىسىن جالعاستىرعان جانە كەلۋشىلەردىڭ سانى شامادان تىس ارتىق بولعان»، - دەدى باسپا ءسوز قىزمەتىندە.
سونىمەن قاتار، مەكەمە قىزمەتكەرلەرى مونيتورينگتىك توپ مۇشەلەرىنە قارسىلىق كورسەتىپ، لاۋندج- بار كۇزەتشىلەرى قىزمەتتىك مىندەتتەرىن ورىنداۋ كەزىندە مونيتورينگتىك توپ مۇشەلەرىنە كۇش كورسەتكەن. ناتيجەسىندە قۇقىق بۇزۋشىلىقتىڭ بارلىق قاتىسۋشىلارى ءىس جۇرگىزۋ شارالارىن قابىلداۋ ءۇشىن وڭتۇستىك پوليتسيا بولىمىنە جەتكىزىلدى.
قازىر تەرگەۋ شارالارى جۇرگىزىلۋدە. پاۆلوداردا مونيتورينگتىك توپتاردىڭ جۇمىسى جالعاسىن تاباتىن بولادى. بارلىق تىركەلگەن فاكتىلەر بويىنشا ماتەريالدار پروتسەسسۋالدىق شەشىم قابىلداۋ ءۇشىن بەرىلدى.
