الماتىدا ەكى ەركەك توبەلەسىپ، بىرەۋى تاپانشادان وق اتتى

الماتى. قازاقپارات - الماتىدا كوشەلەردىڭ بىرىندە ەكى ەر ادام توبەلەستى، ونىڭ ءبىرى گاز تاپانشاسىن قولداندى، دەپ حابارلايدى قازاقپارات ءتىلشىسى.

توبەلەستىڭ ۆيدەوسى الەۋمەتتىك جەلىدە تارادى.

الماتى قالالىق پوليتسيا دەپارتامانتى بۇل فاكتى بويىنشا المالى اۋداندىق پوليتسيا باسقارماسىندا ق ر ق ك 293-بابى 3-بولىگى بويىنشا سوتقا دەيىنگى تەرگەۋ جۇرگىزىلىپ جاتقانىن حابارلادى.

«بەلگىلى بولعانداي توبەلەس ەكى تانىس ادامنىڭ اراسىندا بولعان. ولاردىڭ ءبىرى گاز تاپانشاسىن قولداندى. باقىتىمىزعا وراي، ەشكىم زارداپ شەككەن جوق. كۇدىكتى ۇستالدى. ول- 1989-جىلى تۋعان ت. ەسىمدى ازامات. ەكىنشى ادامنىڭ ايتۋىنشا، ول قىلمىس قۇرالىن لاقتىرىپ جىبەرگەن، بۇل فاكت انىقتالىپ جاتىر. تەرگەۋ جالعاسادى»، - دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.