قاسىم-جومارت توقايەۆ سيفرلىق ۇكىمەت وفيسىنە باردى
سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين قازاقستان پرەزيدەنتىنە سيفرلىق ۇكىمەت وفيسىنىڭ نەگىزگى مىندەتتەرى مەن جوبالارى تۋرالى باياندادى.
ءمينيستردىڭ ايتۋىنشا، وفيس جۇمىسىنىڭ اياسىندا باستاپقى تالداۋدى اۆتوماتتاندىرۋ، بولجامدار مەن دامۋ سەناريلەرىن ازىرلەۋ، قول جەتكىزىلەتىن ماقساتتى كورسەتكىشتەرگە تونەتىن قاۋىپتەرگە مونيتورينگ جاساۋ جانە انىقتاۋ قىزمەتتەرى، سونداي-اق باسقا دا جۇمىستار جۇزەگە اسىرىلادى. سيفرلىق ترانسفورماتسيا ورتالىعى مەملەكەتتىك ورگانداردىڭ جۇمىس ۇدەرىسىن وزگەرتىپ، ولاردى تسيفرلىق فورماتقا اۋىستىرۋمەن اينالىسادى. ساۋدا جانە ينتەگراتسيا مينيسترلىگى مەملەكەت باسشىسىنا ىشكى جانە سىرتقى ساۋدا جونىندەگى تالداۋ پلاتفورماسىن تانىستىردى. اتالعان پلاتفورما ازىق-تۇلىك باعاسىن ونلاين رەجيمدە باقىلاۋعا جانە بولجاۋعا مۇمكىندىك بەرەدى.
سيفرلىق دامۋ، يننوۆاتسيالار جانە اەروعارىش مينيسترلىگى ەل حالقىنىڭ ەكپە الۋ قارقىنىن باقىلاۋعا ارنالعان جوبانى تانىستىردى. جيىن بارىسىندا ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى، استانا حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ، قارجى ءمينيسترى ەرۇلان جاماۋبايەۆ، دەنساۋلىق ساقتاۋ ءمينيسترى الەكسەي سوي جانە باسقا دا جاۋاپتى تۇلعالار ءسوز سويلەدى.
