قىتاي ا ق ش قور بيرجاسىنا قىسىم كورسەتە باستادى

نۇر- سۇلتان. قازاقپارات - قىتاي ا ق ش بيرجالارىندا ساۋدالاناتىن اكسيالارعا قاتىستى قاتاڭ شارالار قابىلداۋعا كوشتى. وتاندىق «ديدي»، «اليبابا» جانە «تەنسەنت» ينۆەستيتسيالىق كومپانيالارى قاتاڭ باقىلاۋعا الىندى.

ساراپشىلار وسىنىڭ كەسىرىنەن ا ق ش- تىڭ قور نارىعى 2 تريلليون دوللار جوعالتۋى مۇمكىن دەپ بولجايدى. قىتاي باسشىسى شي جينپيڭ شاعىن جانە ورتا كومپانيالار ءۇشىن بەيجىڭدە جاڭا قور بيرجاسىن قۇراتىنىن جاريا ەتتى. ا ق ش- تىڭ وكىلدەر پالاتاسى 22 - قىركۇيەككە شۇعىل جينالىس بەلگىلەدى. وندا قىتاي بيلىگىنىڭ اتالعان شەشىمىنەن امەريكالىق ينۆەستورلارعا قانداي قاۋىپ- قاتەر تونەتىنى تالقىلانادى.

شي جينپيڭ، ق ح ر ءتوراعاسى:

- ءبىز بەيجىڭ قور بيرجاسىن قۇرۋ ارقىلى شاعىن جانە ورتا بيزنەستى يننوۆاتسيا جاعىنان دامىتۋدى جالعاستىرامىز. «ءبىر بەلبەۋ، ءبىر جول» باعدارلاماسىنا قاتىسى ەلدەردەگى قىزمەت كورسەتۋ سالاسىنداعى ىنتىماقتاستىقتى تەرەڭدەتىپ، قولداۋ كورسەتۋدە جاڭا مۇمكىندىكتەرگە جول اشامىز.

www.24.kz