13:06, 06 - قىركۇيەك 2021 | GMT +5
بوكستان قازاقستان ۇلتتىق قۇراماسىنىڭ باس باپكەرى قىزمەتىنەن كەتتى
نۇر-سۇلتان. قازاقپارات - بوكستان قازاقستان ۇلتتىق قۇراماسىنىڭ باس باپكەرى عالىمجان كەنجەبايەۆ قىزمەتىنەن كەتەتىنىن مالىمدەدى.
بۇل تۋرالى كەنجەبايەۆ Instagram جەلىسىندە حابارلاعان.
باس باپكەر قىزمەتىنەن ءوز ەركىمەن كەتكەنىن ءتۇسىندىردى. سونىمەن قاتار ول سابىرحان ماحمۋدقا وليمپيادادا مۇمكىندىك بەرمەگەنىنە وكىنەتىنىن مالىمدەدى.
كەنجەبايەۆ ۇلتتىق قۇرامانى 2018 -جىلدىڭ جەلتوقسانىنان باستاپ باسقارىپ كەلەدى. بۇعان دەيىن ول جاستار قۇراماسىن باسقاردى، سونىمەن قاتار اۋەسقويلار اراسىندا گەننادي گولوۆكيننىڭ جەكە جاتتىقتىرۋشىسى رەتىندە بەلگىلى.
ەستەرىڭىزگە سالا كەتەيىك، توكيو وليمپياداسىنىڭ ناتيجەسى بويىنشا، قازاقستاننىڭ بوكس قۇراماسى «التىن» الا الماي قالدى.
