الماتىلىقتار «وڭاي» قىزمەت كورسەتۋ ورتالىعىنىڭ جۇمىسىنا شاعىمداندى
الماتىلىقتار ONAY قىزمەت كورسەتۋ ورتالىعىنىڭ جۇمىسىنا شاعىمداندى. «وڭاي» ءبىرىڭعاي كولىك كارتاسىن ساتىپ الۋعا ۇزىن-سونار كەزەك پايدا بولدى. ونىڭ ۆيدەوسى الەۋمەتتىك جەلىدە تارادى.
«كولىك كاراتاسىن الۋعا كەلگەندەر وتە كوپ. كەزەك باياۋ قوزعالادى. ادامدار 3-4 ساعات تۇرۋعا ءماجبۇر. كەشكى ساعات 18.00-دە ەسىكتەر جابىلادى. قالانىڭ شەت جاعىنان كەلەتىندەر بار. ولار بىرنەشە كۇن بويى كارتا جاساي الماي ءجۇر» دەپ شاعىمداندى تۇرعىن. كومپانياداعىلار ءمان-جايدى تۇسىندىرۋگە تىرىستى.
«جاڭا وقۋ جىلى باستالىسىمەن ONAY قىزمەت كورسەتۋ ورتالىعىنا جۇگىنەتىن ادامداردىڭ سانى كوبەيدى. ۇزىن-سونار كەزەك وسىعان بايلانىستى تۋىنداپ وتىر. قىزمەت كورسەتۋ ورتالىقتارى جاز بويى شتاتتىق رەجيمدە جۇمىس ىستەدى. وقۋشى مەن ستۋدەنتەرگە ارنالعان كارتاعا تاپسىرىستى وقۋ ورىندارى مەن مەكتەپتەر جازدان باستاپ بەردى. سونىمەن بىرگە، جولاۋشىلاردىڭ باسىم بولىگى ONAY كاراتاسىنا تاپسىرىستى وسى قىركۇيەك ايىندا بەرىپ جاتىر. ONAY قىزمەت كورسەتۋ ورتالىعىنىڭ قىزمەتكەرلەرى فيزيكالىق تۇرعىدا ۇلگەرمەي جاتىر. كۇنىنە جۇزدەن استام ءوتىنىش تۇسەدى. دەسەكتە، قىزمەت كورسەتۋ ماسەلەسىن شەشۋ ءۇشىن بارلىق شارالاردى قولدانامىز»، - دەپ حابارلادى ONAY قىزمەت كورسەتۋ ورتالىعىنان.
