الماتىدا موپەد جۇرگىزۋشىسى جاياۋ جۇرگىنشىنى قاعىپ، قاشىپ كەتتى - ۆيدەو

الماتى. قازاقپارات - الماتىدا موپەد جۇرگىزۋشىسى جاياۋ جۇرگىنشىنى قاعىپ، وقيعا ورنىنان قاشىپ كەتتى، دەپ حابارلايدى قازاقپارات ءتىلشىسى.

جول اپاتىنىڭ ۆيدەوسى الەۋمەتتىك جەلىدە پايدا بولدى. «وقيعا 31-تامىز كۇنى كەشكى ساعات 20:00 شاماسىندا بولدى. جاياۋ جۇرگىنشىنى قاققان موپەد يەسى وقيعا ورنىنان قاشىپ كەتتى»، - دەپ جازدى اۆتور. پوليتسيا دەپارتامەنتى اپاتقا قاتىستى تۇسىنىكتەمە بەردى.

«بۇل فاكت تەرگەۋدىڭ ءبىرىڭعاي تىزىلىمىنە تىركەلدى. ءمان-جايدى مەدەۋ اۋداندىق پوليتسيا باسقارماسى انىقتاپ جاتىر. بۇل قىلمىس باقىلاۋدا»، - دەدى الماتى قالاسى پوليتسيا دەپارتامەنتى باستىعىنىڭ تەرگەۋ جۇمىستارى جونىندەگى ورىنباسارى رۋستام ءابدىراحمانوۆ.