تالىپتەر ستۋدەنت قىزداردى ۋنيۆەرسيتەتتە پارانجا كيۋگە مىندەتتەدى
سودان سوڭ قىزدارعا ايەلدەر نەمەسە ەگدە ەر ادامدار عانا ساباق بەرە الادى. بۇل تۋرالى «تاليبان» ۇكىمەتىنىڭ ءبىلىم باسقارماسى بەكىتكەن رەسمي قۇجاتقا سىلتەمە جاساعان The Straits Times باسىلىمى حابارلادى.
بۇعان دەيىن تالىپتەر حيدجاب كيگەن قىز- كەلىنشەكتەر ەش كەدەرگىسىز ءبىلىم الىپ، جۇمىس ىستەي الادى، ا ق ش ەلدىڭ مادەنيەتىن وزگەرتۋ ىسىنە ارالاسپاۋى كەرەك دەپ مالىمدەگەن ەدى. ءبىراق بۇعان جەرگىلىكتى باتىل، بەلسەندى ايەلدەر قارسى شىققان.
حۋدا حاموش، اقىن، ازاماتتىق بەلسەندى:
- ءبىزدىڭ بوستاندىعىمىز حيدجابقا بايلانىپ قالعان جوق. ءبىز ونسىز دا يسلامنىڭ تالابىنا ساي كيىنەمىز. بۇعان دەيىن شاريعاتقا بويۇسىنىپ كەلگەنبىز. ءبىزدىڭ بوستاندىعىمىز - ءبىلىمدى بولۋدا، ساياساتقا ارالاسۋدا. ءبىز جۇمىس ىستەپ، دامىعىمىز كەلەدى. «تاليبان» ۇكىمەتى بىزگە 100 نەمەسە 80 پروتسەنت ەركىندىك بەرمەسە دە، تىم قۇرىعاندا 50 پروتسەنت كەڭشىلىك جاساسىن.
* ەسكە سالا كەتسەك، تاليبان ۇيىمىنا قازاقستانداعى جوعارعى سوتتىڭ 2005 -جىلعى 15 -ناۋرىزداعى شەشىمىمەن تىيىم سالىنعان.
