ءۇندىستاندا شارۋالار شەرۋگە شىقتى

نۇر-سۇلتان.قازاقپارات -ۋتتار- پرادەش شتاتىنداعى قالالاردىڭ بىرىندە وتكەن نارازىلىق اكسياسىنا 500 مىڭنان استام ادام قاتىستى، دەپ حابارلايدى «حابار 24».

ءبارىنىڭ تالابى ءبىر، اۋىل شارۋاشىلىعىنا قاتىستى قابىلدانعان 3 زاڭنىڭ كۇشىن جويۋ. ويتكەنى جاڭا زاڭ ءداندى داقىلداردىڭ باعاسىن قۇلدىراتىپ، كاسىپتى داعدارىسقا ۇشىراتادى.

ەل ۇكىمەتى كەرىسىنشە، قابىلدانعان قۇجاتتار نارىقتاعى باسەلەستىكتى ارتتىرىپ، شارۋالاردىڭ تابىسىن ۇلعايتاتىنىن ايتادى. ءبىراق وعان كوپتىڭ كونەر ءتۇرى جوق. ەرەۋىلدى جالعاستىرا بەرۋگە بەكىنىپ وتىر.

ايتا كەتەيىك، اۋىل شارۋاشىلىعى - ءۇندىستان ءۇشىن ەكونوميكانىڭ ەڭ ماڭىزدى سالاسىنىڭ ءبىرى. مۇنداعى جالپى ءونىم كولەمى 2,7 تريلليون دوللاردىڭ شاماسىندا.