بۇگىن توكيودا پاراليمپيادا ويىندارىنىڭ جابىلۋ سالتاناتى وتەدى
8-تامىزدا اياقتالعان وليمپيادا ويىندارىنداعىداي، جابىلۋ سالتاناتى بوس ورىندار الدىندا وتەدى، وعان تەك بەلگىلى ءبىر شەنەۋنىكتەر مەن جوعارى لاۋازىمدى تۇلعالار، سونىڭ ىشىندە جاپونيانىڭ مۇراگەر حانزاداسى فۋميحيتو جانە توكيو گۋبەرناتورى يۋريكو كويكە قاتىسادى. پاراليمپيادا ويىندارىنا 162 ەل مەن ايماقتان 4400 گە جۋىق سپورتشى، سونداي-اق بوسقىنداردىڭ شاعىن توبى قاتىستى.
جابىلۋ سالتاناتىندا پاراليمپيادا جالاۋى فرانتسيا استاناسىنداعى 2024 -جىلعى جازعى ويىنداردىڭ وكىلى رەتىندە پاريج مەرى اننا يدالگوعا سىيىمدىلىعى 68000 ادامدىق باس ستاديونداعى قازاندىق وشىرىلمەستەن بۇرىن تابىستالادى.
«مەنىڭ ويىمشا، بۇل ويىندار سەنساتسيالىق جارىس بولدى. باسەكە كەرەمەت بولدى، كەز كەلگەن مۇمكىن بولاتىن سپورت تۇرىنەن الەمدىك رەكوردتار جاڭارتىلدى»، - دەدى حالىقارالىق پاراليمپيادا كوميتەتىنىڭ پرەزيدەنتى ەندريۋ پارسونس جابىلۋ سالتاناتى باستالماستان بىرنەشە ساعات بۇرىن وتكەن باسپا ءسوز ءماسليحاتىندا.
پاراليمپيادا ويىندارىندا 22 سپورت تۇرىنەن 539 مەدال جيىنتىعى ساراپقا سالىندى. جارىسقا العاش رەت تاەكۆوندو مەن بادمينتون قوسىلدى.
