ا ق ش دارىگەرلەرى مەزگىلسىز ولىمنەن ساقتانۋدىڭ جولىن اتادى
امەريكالىق دارىگەرلەردىڭ ءتيىستى ناتيجەلەرى JAMA Network Open باسىلىمىندا جاريالاندى، دەپ حابارلايدى قازاقپارات.
ا ق ش-تاعى سولتۇستىك- باتىس ۋنيۆەرسيتەتىنىڭ عالىمدارى جاساعان زەرتتەۋگە 38-50 جاس ارالىعىنداعى 2110 ايەل مەن ەر ادام قاتىسقان. 2005-2006 -جىلدارى قاتىسۋشىلاردان فيزيكالىق بەلسەندىلىك دەڭگەيىن ولشەۋ ءۇشىن اپتا بويى كۇن سايىن مىقىندارىنا ۇدەۋولشەگىش تاعۋ سۇرالدى. سودان كەيىن ادامدار وسى كورسەتكىشكە بايلانىستى ءۇش توپقا ءبولىندى. ءبىرىنشى ساناتقا فيزيكالىق بەلسەندىلىك دەڭگەيى تومەن قاتىسۋشىلار كىردى، ولار كۇنىنە ورتا ەسەپپەن 7 مىڭنان از قادام جاسادى.
ەكىنشىسىندە فيزيكالىق بەلسەندىلىك دەڭگەيى ورتاشا ادامدار بولدى، ولار كۇنىنە 7 دەن 10 مىڭعا دەيىن قادامعا دەيىن جۇرگەن. ءۇشىنشى توپقا كۇنىنە 10 مىڭنان استام قادام جۇرەتىن ادامدار ورنالاستىرىلدى. قاتىسۋشىلارعا 2018 -جىلعا دەيىن باقىلاۋ جۇرگىزىلدى، بارلىق ءولىم تىركەلدى. فيزيكالىق بەلسەندىلىگى جوعارى جانە ورتاشا قاتىسۋشىلار توبىندا بارلىق سەبەپتەردەن بولاتىن ءولىم قاۋپى كۇنىنە 7 مىڭ قادامنان از جاساعاندارمەن سالىستىرعاندا الدەقايدا تومەن ەكەنى بەلگىلى بولدى.
