كارديولوگ قانداي اۋرۋى بار ناۋقاستار ءۇشىن كوروناۆيرۋس قاۋىپتى ەكەنىن ايتتى
بۇل تۋرالى كارديولوگيا جانە ىشكى اۋرۋلار عىلىمي- زەرتتەۋ ينستيتۋتىنىڭ كونسۋلتاتسيالىق- دياگنوستيكالىق ورتالىعىنىڭ مەڭگەرۋشىسى، مەديتسينا عىلىمدارىنىڭ دوكتورى، جوعارى ساناتتى دارىگەر قۋات ابزاليەۆ ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، سوڭعى 2-3 جىلدا كوۆيدتىڭ وزىنە قاراعاندا ونىڭ الدەقايدا كۇردەلى اعىمى جانە كوۆيدتەن كەيىنگى سيندروم تۋرالى جەتكىلىكتى اقپارات جيناقتالدى. پولينەيروپاتيا (نەرۆ جۇيەلەرىنىڭ زاقىمدانۋى) تۇرىندەگى، كوۆيدتەن كەيىن اسا ءجيى بولاتىن اسقىنۋلارعا بۇيرەك، باۋىر، جۇرەك جانە شەتكى قان تامىرلارىنىڭ زاقىمدانۋ سيمپتومدارى كىرەدى.
«ءبىرقاتار جاريالانىمدار كوپتەگەن اسقىنۋلار كەشىرەك پايدا بولاتىنىن كورسەتەدى، جۇرەك- قانتامىر جۇيەسىنىڭ اۋرۋلارى اۋىرسىنۋ، جۇرەك ىرعاعى مەن وتكىزگىشتىگىنىڭ بۇزىلىستارى تۇرىندە بايقالادى. ءبىرقاتار زەرتتەۋشىلەر ينفەكسيا كەزىندە پاتسيەنتتەردىڭ %7,3 دا سپەتسيفيكالىق ەمەس جۇرەك سوعىستارى، COVID-19 شالدىققان پاتسيەنتتەردىڭ %16,7 دا اريتميا داميتىندىعى بايقالعانىن جازدى»، - دەيدى كارديولوگيا جانە ىشكى اۋرۋلار ع ز ي كونسۋلتاتسيالىق- دياگنوستيكالىق ورتالىعىنىڭ مەڭگەرۋشىسى قۋات ابزاليەۆ.
سونىمەن قاتار، ول جەڭىل تۇرىندەگى نەمەسە سيمپتومسىز كوۆيد ينفەكسياسىنا شالدىققانداردا اسقىنۋلار كەيدە بەلگىلى ءبىر ۋاقىتتان كەيىن بايقالۋى مۇمكىن. پاندەميانىڭ العاشقى تولقىنىنىڭ اسقىنعان كەزىندە ينفەكسيا تەك تىنىس الۋ اعزالارىنىڭ جۇيەسىن زاقىمدادى، الايدا مۋتاتسيا بارىسىندا جۇرەك- قانتامىر جۇيەسىن قوسا، باسقا دا اعزالاردىڭ زاقىمدانعانى انىقتالدى. سەبەبى گيپوكسيا مەن قابىنۋ كورىنىستەرى ميوكارد پەن كورونارلىق تامىرلارعا اۋىستى.
«ۆيرۋستىق ينفەكسيا كوبىنە ميوكاردتى زاقىمدايدى. ميوكاردتىڭ قابىنۋ رەاكسيالارىنىڭ كورىنىستەرى جۇرەك بۇلشىقەتىنىڭ زاقىمدانۋ مەن ينتوكسيكاتسيانىڭ اۋىرلىعىنا، سونداي-اق اعزانىڭ يممۋندىق جۇيەسىنە بايلانىستى. ەگەر ميوكارديتتى ەمدەمەسە، وندا كارديوميوپاتيا، ومىرگە قاۋىپتى اريتميا، قاننىڭ ۇيۋ سالدارىنان ترومبتاردىڭ پايدا بولۋىنان كەنەتتەن ولىمگە اكەلەتىن قاۋىپتى اسقىنۋلارعا اكەلۋى مۇمكىن. ازداعان جۇكتەمەلەر كەزىندە جۇرەك سوعىسى مەن ەنتىگۋدىڭ پايدا بولۋى ميوكاردتىڭ قابىنۋ رەاكسياسىنىڭ بار ەكەندىگىن بىلدىرەدى. پاتسيەنتتەر، ادەتتە، كوروناۆيرۋس ينفەكسياسى كەزىندەگى السىزدىك، ۋىتتانۋ دەپ ەسەپتەيدى دە، نازار اۋدارمايدى. ولار دارىگەرگە دەر كەزىندە قارالماي، تەكسەرىلمەي، ءوز بەتىنشە ەمدەلۋمەن اينالىسادى. جەڭىل سيمپتومدار مەن كورىنىستەرگە كوڭىل بولمەۋ اۋرۋدىڭ ءارى قاراي اسقىنۋى مەن ورشۋىنە الىپ كەلەدى»، - دەيدى دارىگەر.
كارديولوگ كوۆيد ينفەكسياسىنان ەمدەلىپ شىققان ناۋقاس ەلەكتروكارديوگرافيا، جۇرەكتىڭ ۋلترادىبىستىق دياگنوستيكاسىن جاساۋ قاجەت ەكەنىن باسا ايتتى.
«قابىنۋ ماركەرلەرىنە اناليز تاپسىرىپ، جۇرەك- قانتامىر جۇيەلەرىنىڭ قالپىنا كەلۋى ءۇشىن كارديولوگقا بارىپ قارالعان ءجون. «سيتوكيندىك داۋىل» دەپ اتالاتىن، ياعني ناقتى جۇيەلى قابىنۋ جاۋابى ناۋقاستاردىڭ %40 دا دياگنوستيكالانادى جانە تەك جۇرەك قانا ەمەس، سونداي-اق پوليورگاندىق جەتكىلىكسىزدىككە الىپ كەلۋى مۇمكىن. سوندىقتان COVID-19 ەمدەۋ كەزىندە ۆيرۋستىق ينفەكسيانىڭ كارديوۋىتتىلىعىنىڭ قاۋپىنە ۇنەمى باقىلاۋ جۇرگىزۋ قاجەت» - دەيدى قۋات باياندى ۇلى.
كومپيۋتەرلىك جانە ماگنيتتى- رەزونانستى توموگرافيا جۇرەكتىڭ يشەميالىق اۋرۋىن بولدىرماس ءۇشىن وكپە اۋرۋلارىن دا، سونىمەن قاتار جۇرەك- قانتامىر جۇيەلەرىن دە دياگنوستيكالاۋعا كومەكتەسەدى. ك ت كارديوميوپاتيا، ينفەكسيالىق ەندوكارديت، جۇرەكتىڭ جاڭا پايدا بولعان قۇرىلىمدارىن دياگنوستيكالاۋدا دا كومەكتەسەدى.
«قىتاي عالىمدارىنىڭ زەرتتەۋلەرىندە سوزىلمالى جۇرەك جەتكىلىكسىزدىگى COVID-19 ەمدەلۋگە جاتقىزىلعان پاتسيەنتتەردىڭ %23 دا بايقالدى. ا ق ش-دا كلينيكالىق ايقىندالعان جۇرەك كەمىستىگى COVID-19 شالدىققان پاتسيەنتتەردىڭ %42 دا بولدى. سوزىلمالى جۇرەك كەمىستىگى بار پاتسيەنتتەردىڭ %72 دا ەمدەلۋگە جاتقىزىلعاننان كەيىن 1,5 كۇننەن سوڭ وكپەنىڭ جاساندى جەلدەتكىشىنە قاجەتتىلىك پايدا بولدى. ايقىندالعان جۇرەك كەمىستىگىنىڭ دامۋى ادامنىڭ يممۋندىق جۇيەسىنىڭ كوروناۆيرۋس ينفەكسياسىنا باقىلانبايتىن رەاكسياسىنىڭ ناتيجەسى («سيتوكيندىك داۋىل») بولىپ تابىلادى، ونى سەپتيكالىق شوك دەپ تە اتاۋعا بولادى»، - دەدى دارىگەر.
