ورالدا جاستار جاپپاي توبەلەستى

ورال. قازاقپارات - ورالدا جاستاردىڭ توپ بولىپ توبەلەسكەنى ءتۇسىپ قالعان ۆيدەو الەۋمەتتىك جەلى ارقىلى تاراپ كەتتى، دەپ حابارلايدى قازاقپارات ءتىلشىسى.

ۆيدەودان جاستاردىڭ جاپپاي جاعالاسىپ جاتقانى، بىرەۋىنىڭ جەرگە قۇلاپ، كەيبىرەۋلەرىنىڭ قاشىپ كەتكەنى انىق كورىنەدى. ب ق و پوليتسيا دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا 3-قىركۇيەك كۇنى شامامەن ساعات 21.40-تا جاڭگىر حان كوشەسى بويىندا بولدى. پوليتسيا قىزمەتكەرلەرى وقيعاعا قاتىسى بار ادامداردىڭ ءبارىن دە انىقتادى.

ولار ءىستىڭ ءمان-جايىن تولىق ءبىلۋ ءۇشىن شاعان پوليتسيا بولىمىنە جەتكىزىلدى. قازىرگى كەزدە ق ر ق ك 293-بابى 1-بولىگىنە (بۇزاقىلىق) سايكەس سوتقا دەيىنگى تەرگەۋ امالدارى جۇرگىزىلۋدە.