فرانسيالىق ەرلى-زايىپتى تاۋىپ العان قازىناسىن مەملەكەتپەن بولىسكەن
ولار بىرنەشە ونداعان جىل بويى تۇرىپ جاتقان ءۇيىن جوندەۋگە شەشىم قابىلداعان. ەڭ الدىمەن ەكى بولمەنى بىرىكتىرمەك بولعان. جۇمىسشىلار قابىرعانى قۇلاتىپ، توبەلىك ارقالىقتى وپىرا باستاعان، ءبىراق كەنەتتەن ەدەنگە ءبىر نارسە قۇلاپ تۇسكەن. قۇلاپ تۇسكەن زاتتار جارقىراعان التىن مونەتالار بولىپ شىقتى. وندا XIV پاتشا ليۋدوۆيكتىڭ ايقىن بەينەسى كورىنەدى. ەرلى- زايىپتىلار وزدەرى تاۋىپ العان بىرەگەي قازىنا تۋرالى دەرەۋ پرەفەكتۋراعا حابارلاعان. ولاردىڭ ۇيىنە قازىنانى زەرتتەيتىن ارحەولوگيا قىزمەتىنىڭ ماماندارى بىردەن كەلگەن. ولار تابىلعان بارلىق مونەتانى ءتۇپنۇسقالىعىن تەكسەرۋ ءۇشىن وزدەرىمەن بىرگە الىپ كەتتى.
كەيىنىرەك قازىنانىڭ XVII عاسىرعا جاتاتىنى بەلگىلى بولدى. تابىلعان مونەتالاردىڭ (بارلىعى 200 دەن استام) باعدارلانعان قۇنى 150 مىڭ ەۋرونى قۇرايدى. فرانسيا زاڭى بويىنشا، 2016 -جىلدان كەيىن ۇيلەردەن تابىلعان بارلىق قازىنا مەن تاريحي ولجالار مەملەكەتكە تيەسىلى. ءبىراق بۇل ءۇيدىڭ يەلەرى ونى وسى زاڭ تالابى كۇشىنە ەنەردەن كوپ ۋاقىت بۇرىن ساتىپ العاندىقتان، تابىلعان زاتتار ولارعا تولىق كولەمدە قايتارىلدى. باقىتتى جاندار اۋكسيوندا قازىنانى ساتۋعا شەشىم قابىلدادى، ال تۇسكەن قاراجاتتى تەڭ ءبولىپ، ءتيىستىسىن ءۇش جۇمىسشىعا دا بەرمەك.
