08:40, 04 - قىركۇيەك 2021 | GMT +5
كوروناۆيرۋس جۇقتىرعان ەكى جاسار بالا جانساقتاۋ بولىمىندە جاتىر
اتىراۋ. قازاقپارات - اتىراۋدا كوروناۆيرۋس ينفەكسياسىن جۇقتىرعان ەكى جاسار بالا جانساقتاۋ بولىمىندە جاتىر، دەپ حابارلايدى قازاقپارات.
وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى جانار سادۋوۆانىڭ مالىمەتىنشە، بيىلعى قاڭتاردان بەرى 2283 بالا قاۋىپتى ۆيرۋسقا شالدىققان.
«جىل باسىنان بەرى 141 بالا ستاتسيونارلاردا ەمدەلگەن. ونىڭ ىشىندە 3 بالا جانساقتاۋ بولىمىندە جاتقان. ءقازىر ينفەكتسيالىق ستاتسيوناردا 10 بالا ەمدەلىپ جاتىر. جانساقتاۋ بولىمىندە وقشاۋلانعان 2019 -جىلعى ءبىر بالانىڭ جاعدايى اۋىر» - دەيدى جانار سادۋوۆا.
ونىڭ مالىمەتىنە سۇيەنسەك، قازىر 389 بالا امبۋلاتوريادا باقىلاۋ ارقىلى ەمدەلۋگە جىبەرىلگەن.
ەسكە سالا كەتەلىك، بۇعان دەيىن اتىراۋدا 4 مىڭعا جۋىق بالا كوروناۆيرۋسقا شالدىققانىن حابارلاعان ەدىك.
