قاراعاندى وبلىسىندا ءبىر ايدا براكونەرلەرگە قارسى ون قىلمىستىق ءىس قوزعالدى

قاراعاندى. قازاقپارات - قاراعاندى وبلىسىندا پوليتسەيلەر «براكونەر» جەدەل-الدىن الۋ شاراسىنىڭ قورىتىندىسىن شىعاردى.

شارا بارىسىندا بالىقشىلار مەن اڭشىلاردىڭ زاڭسىز ارەكەتتەرىنە قارسى 10 قىلمىستىق ءىس قوزعالىپ، 80 نەن استام اكىمشىلىك حاتتاما تولتىرىلدى، دەپ حابارلايدى قازاقپارات ءتىلشىسى.

قاراعاندى وبلىسىندا «جاسىل ەل» جاساقتارى بيىل 100 گەكتاردان استام جەردى قوقىستان تازارتقان الماتىداعى ج ە و گازعا كوشىرىلسە، اۋاداعى زالالدى قالدىقتار 7,5 ەسە تومەندەيدى 9- تامىز بەن 31- تامىز ارالىعىندا قاراعاندى وبلىسىندا «براكونەر» جەدەل الدىن الۋ شاراسى ءوتتى.

«وسى كەزەڭدە ق ر ق ك- ءنىڭ 335-بابى «بالىق رەسۋرستارىن، باسقا دا سۋ جانۋارلارىن نەمەسە وسىمدىكتەرىن زاڭسىز اۋلاۋ» بويىنشا توعىز قىلمىستىق ءىس، ق ر ق ك- ءنىڭ 337-بابى «زاڭسىز اڭ اۋلاۋ» بويىنشا ءبىر قىلمىستىق ءىس قوزعالدى. سونىمەن قاتار، ق ر ق ك 383-بابى بالىق اۋلاۋ جانە بالىق رەسۋرستارى مەن باسقا دا سۋ جانۋارلارىن قورعاۋ ەرەجەلەرىن بۇزۋ» بويىنشا 87 اكىمشىلىك حاتتاما تولتىرىلدى»، - دەپ حابارلادى قاراعاندى وبلىسى پ د ج پ ق ب تابيعاتتى قورعاۋ پوليتسياسى ءبولىمىنىڭ باستىعى ەربولات يزاتوۆ.

29- تامىزدا پوليتسيا قىزمەتكەرلەرى پريوزەرسك قالاسىنىڭ ماڭىندا بالقاش كولىنىڭ جاعاسىنداعى ساياجاي ماسسيۆىنەن ەكى شاقىرىم جەردە موتورلى قايىقتى ۇستادى. وندا 38، 42 جانە 47 جاستاعى ءۇش ەر ادام بولعان. ولاردىڭ بارلىعى - پريوزەرسك قالاسىنىڭ تۇرعىندارى. قايىقتان 160 كەلى بالىق تابىلىپ، تاركىلەندى.

وسى كۇنى قاراعاندى وبلىسى شەت اۋدانىنىڭ پوليتسيا ءبولىمىنىڭ قىزمەتكەرلەرى «قىزىلوردا-پاۆلودار» اۆتوجولىندا 60 جاستاعى ەر ادام باسقارىپ كەلە جاتقان نيۆا اۆتوكولىگىن توقتاتتى.

كولىكتىڭ جۇكسالعىشىن تەكسەرۋ بارىسىندا پوليتسەيلەر ۇرلەمەلى قايىقتى، بەس دانا توردى جانە 37 كەلىگە جۋىق تۇقى تاپتى. 30- تامىزدا بالقاش كولىنىڭ بەرتىس شىعاناعىندا 26 جاستاعى قالا تۇرعىنى ۇستالدى، ونىڭ قايىعىندا 87 كەلى لاقا مەن بالىق اۋلاۋ قۇرالى بولعان. ماتەريالدىق شىعىن 330 مىڭ تەڭگەنى قۇرادى. بارلىق فاكتىلەر بويىنشا ق ر ق ك 335-بابىنا ساي قىلمىستىق ءىس قوزعالدى. تەرگەۋ امالدارى جۇرگىزىلۋدە.