قىزىلوردادا بايقوڭىر قالاسىن دامىتۋ ماسەلەلەرى تالقىلاندى
بۇگىن وبلىس اكىمى گۇلشارا ءابدىقالىقوۆا بايقوڭىر قالاسى اكىمشىلىگىنىڭ باسشىسى كونستانتين بۋسىگينمەن كەزدەستى.
وتىرىسقا وبلىس اكىمىنىڭ ورىنباسارى، قازاقستان رەسپۋبليكاسى پرەزيدەنتىنىڭ «بايقوڭىر» كەشەنىندەگى ارناۋلى وكىلى سەرىك سۇلەيمەنوۆ، ق ر پرەزيدەنتىنىڭ بايقوڭىر كەشەنىندەگى ارناۋلى وكىلىنىڭ قىزمەتىن قامتاماسىز ەتۋ باسقارماسىنىڭ باسشىسى جاسۇلان اباتوۆ قاتىستى.
جيىن بارىسىندا تاراپتار اراسىنداعى ورتاق جوسپارلار ءسوز بولىپ، ونىڭ ىشىندە بايقوڭىرداعى جىلۋ ەلەكتر ستانتسياسىن گازعا قوسۋ ارقىلى تۇرعىندارعا تولەم قۇنىن تومەندەتۋ ماسەلەسى تالقىلاندى.
«قازاقستان مەن رەسەي فەدەراتسياسىنىڭ مەملەكەتتىك ورگاندارىنىڭ بىرلەسكەن ناتيجەلى جۇمىستارىنىڭ ارقاسىندا بايقوڭىر قالاسىنىڭ جانە تۇتاستاي كەشەننىڭ ۇزاق مەرزىمدە دامۋىن قامتاماسىز ەتۋ ماسەلەلەرى شەشىلۋدە. قازىرگى تاڭدا بايقوڭىردا 5 تۇرعىن ءۇيدىڭ قۇرىلىسى مەن ينجەنەرلىك ينفراقۇرىلىمدى جاڭارتۋ بويىنشا جۇمىستار جۇرگىزىلۋدە. «بايقوڭىر» كەشەنىن گازبەن قامتاماسىز ەتۋ بويىنشا كەلىسىم نەگىزىندە جۇلدىزدى قالاداعى كوپ قاباتتى تۇرعىن ۇيلەر، شاعىن جانە ورتا بيزنەس نىساندارى گازعا قوسىلدى»، - دەدى وبلىس اكىمى.
كەزدەسۋ بارىسىندا بايقوڭىر قالاسى اكىمشىلىگىنىڭ باسشىسى كونستانتين بۋسىگين جىلۋ ەلەكتر ستانتسياسىن گازعا قوسۋ ماسەلەسىنە قاتىستى بىرلەسكەن جۇمىستاردىڭ ماڭىزدىلىعىن اتاپ ءوتتى.
بۇل رەتتە «قاز ترانس گاز ايماق» ا ق قىزىلوردا وندىرىستىك فيليالى ديرەكتورىنىڭ مىندەتىن اتقارۋشى ەرمەك قالدىعۇلوۆ، وبلىستىق ەكولوگيا دەپارتامەنتىنىڭ باسشىسى نۇرجان ومىرسەرىك ۇلى نەگىزگى ماسەلەلەر بويىنشا جاسالعان جۇمىستاردى ءتىزىپ بەردى.
كەزدەسۋدى قورىتىندىلاعان وبلىس اكىمى الداعى ۋاقىتتا بىرلەسكەن جوبالاردىڭ ناتيجەلى ورىندالاتىنىنا سەنىم ءبىلدىردى.
