ن. نازاربايەۆ ورتالىعىندا «اشىق اسپان استىندا» اتتى ءۇشىنشى حالىقارالىق فوتوكورمە اشىلدى
شاراعا ق ر اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ءتوراعاسى ە. نۇكەجانوۆ، كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازاربايەۆ ورتالىعى باسقارما ءتوراعاسى ب. سارسەنبايەۆ، قازاقستان رەسپۋبليكاسىنداعى يزرايل مەملەكەتىنىڭ كونسۋلى گالينا فرەنكەل، نۇر-سۇلتان قالاسىنىڭ باس ءراۆۆينى شمۋەل كارناۋح، سونداي-اق باسقا ءدىني بىرلەستىكتەردىڭ جانە قازاقستانداقى ا ق ش، رەسەي، جاپونيا، ۆاتيكان، بەلگيا ەلدەرىنىڭ ديپلوماتيالىق وكىلدىكتەرىنىڭ وكىلدەرى قاتىستى.
فوتوكورمەنىڭ ماقساتى - الەمنىڭ ءار ءتۇرلى حالىقتارىنىڭ دىندەرى مەن مادەنيەتتەرىنە تولەرانتتى دۇنيەتانىمدى جانە قۇرمەتپەن قاراۋدى قالىپتاستىرۋ، قوعامدى نەگىزگى ادامي جانە رۋحاني قۇندىلىقتاردىڭ اينالاسىنا توپتاستىرۋ، كونفەسسياارالىق جانە وركەنيەتارالىق ديالوگتى، حالىقارالىق بەيبىتشىلىك پەن قاۋىپسىزدىكتى ساقتاۋدا بىرلەسكەن جاۋاپكەرشىلىكتى نىعايتۋعا جاردەمدەسۋ.
ءراسىم سوڭىندا شاراعا قاتىسۋشىلار قازاقستان رەسپۋبليكاسىنداعى يزرايل مەملەكەتىنىڭ ەلشىلىگىنىڭ، ەۋروپا-ازيا ەۆرەيلەر كونگرەسىنىڭ ورتالىق ازياداعى وكىلدىگىنىڭ، «حاباد ليۋباۆيچ» ەۆرەي ورتالىعى (قاراعاندى ق.)، «بەيت مەناحەم» حاباد ءۇيى (الماتى ق.) ۇسىنعان فوتوسۋرەتتەرمەن تانىس بولدى.
ەستەرىڭىزگە سالا كەتەيىك، «اشىق اسپان استىندا» فوتوكورمەسى بارلىق ساقتىق شارالارىن ساقتاي وتىرىپ، بارلىق ادامدار ءۇشىن بەيبىتشىلىك جانە كەلىسىم سارايىندا 2021-جىلدىڭ 13- قىركۇيەگىنە دەيىن جالعاساتىن بولادى.
