18:27, 03 - قىركۇيەك 2021 | GMT +5
باس سانيتار قاۋلىسى: ۆاكسينا پاسپورتى قازاقستاندا جارامدى ەلدەردىڭ ءتىزىمى جاڭاردى
نۇر- سۇلتان. قازاقپارات - ق ر باس سانيتار دارىگەرى ەرلان قياسوۆتىڭ تاعى ءبىر قاۋلىسى جاريالاندى. قۇجات بويىنشا قازاقستاندا ۆاكسينا پاسپورتى جارامدى ەلدەردىڭ ءتىزىمى جاڭارتىلعان، دەپ حابارلايدى قازاقپارات ءتىلشىسى.
قاۋلىدا تايلاند، موڭعوليا، گرۋزيا، قىرعىز رەسپۋبليكاسى، مولدوۆا رەسپۋبليكاسى جانە تۇركيا رەسپۋبليكاسىنىڭ ۆاكسينا پاسپورتتارى قازاقستان اۋماعىندا جارامدى ەكەنى ايتىلعان.
«وسى قاۋلىمەن بىرگە بەرىلگەن، 3-قوسىمشا بويىنشا، قۇجاتتاردىڭ ۇلگىلەرىنە سايكەس ماجارستان، تايلاند، موڭعوليا، گرۋزيا، قىرعىز رەسپۋبليكاسى، مولدوۆا رەسپۋبليكاسى جانە تۇركيا رەسپۋبليكاسى ازاماتتارىنىڭ پاسپورتتارى/ سەرتيفيكاتتارى/ انىقتامالارى قازاقستان رەسپۋبليكاسىنىڭ اۋماعىندا جارامدى دەپ تانىلسىن»، - دەپ جازىلعان قۇجاتتا.
قۇجاتتىڭ ماتىنىمەن مىنا سىلتەمەدەن تانىسۋعا بولادى.
