اۋىل اكىمى حالىقتىڭ كوڭىلىنەن شىعۋى ءۇشىن جۇمىس ىستەۋى ءتيىس - بەرىك ءابدىعالي ۇلى

نۇر- سۇلتان. قازاقپارات - اۋىل اكىمى حالىقتىڭ كوڭىلىنەن شىعۋى ءۇشىن جۇمىس ىستەۋى ءتيىس. بۇل تۋرالى ءماجىلىس دەپۋتاتى بەرىك ءابدىعالي ۇلى ايتتى، دەپ حابارلايدى قازاقپارات ءتىلشىسى.

«ەلىمىزدە ۇلكەن ناۋقان ءوتىپ، 800-گە جۋىق اۋىلدىڭ اكىمى سايلاندى. بۇل باستاماسى عانا. جىل سايىن اكىمدەرىنىڭ قىزمەت مەرزىمى اياقتالعان اۋىلداردا سايلاۋ وتەدى. وسى جولى حالىق سايلاۋعا بەلسەندى قاتىستى. دەگەنمەن، ءالى دە الداعى ۋاقىتتا بەلسەندىلىك كۇشەيەدى دەپ ويلايمىن. ەڭ الدىمەن حالىقتىڭ سايلاۋعا قاتىسۋى جانە ۇمىتكەرلەردىڭ كوبەيۋۋىن اتاپ وتكەن ءجون. بۇل وتە ۇلكەن ساياسي شەشىم. جالپى، الەۋمەتتىك ساۋالناما ناتيجەسىندە تۇرعىنداردىڭ 30 پايىزى اۋىلدىڭ بولسىن، قالانىڭ نە اۋداننىڭ بولسىن اكىمىنە كوڭىلى تولماسا، وندا ولاردىڭ قىزمەتىنە ساي كەلەتىندىگىن قايتا قاراستىرۋ كەرەك. اكىمدەر حالىقتىڭ كوڭىلىنەن شىعۋى ءۇشىن جۇمىس ىستەۋى ءتيىس»، - دەدى ءماجىلىس دەپۋتاتى «جولداۋ 2021: ىسكە اسىرۋ جولدارى» تاقىرىبىنا ارنالعان دوڭگەلەك ۇستەل وتىرىسى بارىسىندا.

ونىڭ اتاپ وتۋىنشە، اۋىل اكىمدەرى جەرگىلىكتى جەردە مال جايىلىمى، اۋىل كوشەلەرىن جوندەۋ، تازالىق سىندى ماسەلەلەردى شەشۋى قاجەت.

«اكىم اۋىل تۇرعىندارىنىڭ مۇددەسىن اۋدان اكىمىنىڭ، اۋداندىق ءماسليحات الدىندا قورعاي ءبىلۋى كەرەك. اۋىلدا ورىن العان داۋ- دامايدى دا، جانجالدى دا شەشە الاتىن، تۇرعىنداردى ۇيىستىرا بىلەتىن كوشباسشىسى بولۋى ءتيىس. سونىمەن قاتار بيۋدجەتتەن جانە بيۋدجەتتەن تىس ينۆەستيتسيا تارتا ءبىلۋى ءتيىس. قاي اۋىلعا كوپ قارجى قۇيىلىپ جاتسا، وندا سول اۋىلدىڭ اكىمى بەلسەندى دەگەن ءسوز. ونىڭ جۇمىسىن دا جاقسى باعالاۋعا بولادى»، - دەدى بەرىك ءابىعالي ۇلى.

اۆتور: مارلان جيەمباي