13:39, 03 - قىركۇيەك 2021 | GMT +5
قانشا ەلوردالىق كوروناۆيرۋسقا قارسى ۆاكسينا الدى
نۇر-سۇلتان. قازاقپارات - نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باس مامانى جەلەۋحان ءپرىمقۇلوۆ ەلورداداعى ۆاكسينالاۋ قارقىنىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.
«بۇگىندە ەلوردا بويىنشا ۆاكسينانىڭ ءبىرىنشى كومپونەنتىن 407 مىڭ ادام الدى، ياعني ەكپە الۋى ءتيىس ادامداردىڭ 63 پايىزى قامتىلدى. جالپى، ۆاكسيناتسيالاۋ قارقىنى جاقسى دەڭگەيدە ءجۇرىپ جاتىر، تۇرعىندار ءوزىنىڭ ازاماتتىق پوزيتسياسىن تانىتىپ وتىر»، - جەلەۋحان ءپرىمقۇلوۆ ونلاين بريفينگىدە. ونىڭ ايتۋىنشا، ەكپە الام دەۋشىلەردىڭ قاتارىندا ستۋدەنتتەر دە ءجيى بايقالىپ كەلەدى.
«ەگدە جاستاعى ادامدار دا جاس بۋىننان قالىسپاي ۆاكسينا الۋعا كەلىپ جاتىر»، - دەدى باسقارما وكىلى. بۇرىن حابارلاعانداي، ەلوردادا كوروناۆيرۋس جۇقتىرۋ دەڭگەيى تومەندەدى.
اۆتور: رۋسلان عابباس
