نۇر-سۇلتان قالاسىندا كوۆيد ستاتسيونارلارى جابىلىپ جاتىر

نۇر-سۇلتان. قازاقپارات - ەلوردادا كوۆيدكە ارنالعان ستاتسيونارلار جابىلىپ جاتىر. بۇل تۋرالى نۇر- سۇلتان قالاسى قوعامدىق دەنساۋلىق ساقتاۋ باسقارماسىنىڭ باس مامانى جەلەۋحان ءپرىمقۇلوۆ ءمالىم ەتتى، دەپ حابارلايدى قازاقپارات ءتىلشىسى.

«قالادا ۆيرۋستىڭ تارالۋى دەڭگەيىنىڭ تومەندەۋىنە بايلانىستى قوعامدىق دەنساۋلىق ساقتاۋ باسقارماسى مامىر- شىلدە ايلارىندا ينفەكتسيالىق بولىپ بەيىمدەلگەن ستاتسيونارلاردى جابۋ تۋرالى شەشىم قابىلدادى. وسىلايشا، سوڭعى ەكى كۇندە 370 ورىندى 3 كوۆيدتى ستاتسيونار جابىلدى، ياعني قالالىق پسيحيكالىق دەنساۋلىق ورتالىعى، ۇلتتىق قاۋىپسىزدىك كوميتەتىنىڭ گوسپيتالى مەن قورعانىس مينيسترلىگى گوسپيتالىندەگى ستاتسيونار جابىلدى»، - دەدى جەلەۋحان ءپرىمقۇلوۆ. ونىڭ ايتۋىنشا، وسىعان قوسا، كەلەسى اپتا جانە الداعى ۋاقىتتا اۋرۋدىڭ باسەڭدەۋىنە بايلانىستى ينفەكسيالىق، رەانيماتسيالىق ورىندار تاعى ەكى ستاتسيوناردا جابىلادى. وسى ورايدا 216 توسەك ورىندى №3-كوپبەيىندى قالالىق اۋرۋحانانىڭ اكۋشەرلىك جانە كلينيكالىق بلوكتارى، 112 ورىندى اكادەميك ن. د. باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعى قامتىلادى. بۇدان بۇرىن حابارلانعانداي، ەلوردادا جەدەل جاردەم شاقىرتۋ دەڭگەيى ازايدى.

اۆتور: رۋسلان عابباسوۆ