الماتىداعى ەڭ ۇلكەن كوشەلەردىڭ ءبىرى ۋاقىتشا جابىلدى

الماتى. قازاقپارات - الماتى قالاسىنداعى تولە بي كوشەسى ءىشىنارا جابىلدى، دەپ حابارلايدى قازاقپارات ءتىلشىسى.

الماتى قالالىق موبيلدىلىك باسقارماسىنىڭ مالىمەتىنشە، 2021 -جىلدىڭ 2,3 جانە 4-قىركۇيەكتە تولە بي كوشەسىندە ب. مومىش ۇلى كوشەسىنەن ياسساۋي كوشەسىنە دەيىن كولىك قوزعالىسى شەكتەلەدى.

«جول جوندەۋ جۇمىستارى تۇنگى ۋاقىتتا جۇرگىزىلەدى. تولە بي كوشەسى تۇنگى ساعات 23:00 دەن تاڭعى ساعات 08:00 گە دەيىن ءىشىنارا جابىلادى. كەلتىرىلگەن قولايسىزدىق ءۇشىن الماتىلىقتاردان كەشىرىم سۇرايمىز»، - دەپ حابارلادى باسقارمادان.

سونىمەن قاتار، جۇرگىزۋشىلەرگە جول ءجۇرۋ باعىتىن الدىن الا جوسپارلاۋعا كەڭەس بەردى.