ۇلكەن الماتى مەن تۇيىق سۋ شاتقالىندا باقىلاۋ- قۇتقارۋ پۋنكتى اشىلادى

الماتى. قازاقپارات - الماتى قالاسىنىڭ اكىمى باقىتجان ساعىنتايەۆ جەلىدەگى پاراقشاسىندا تۋريستەردىڭ تاۋدا قاۋىپسىزدىگى مەن جايلى بولۋىن قامتاماسىز ەتەتىن شارالار تۋرالى جازدى، دەپ حابارلايدى قازاقپارات.

الماتى اكىمى مودۋلدىك قۇرىلىم سياقتى ۇيشىكتەردىڭ قالاي قۇراستىرىلىپ جاتقانىن تەكسەردى.

«قىزعىلت سارى ءتۇستى مودۋلدەردىڭ ءىشى جىلىتۋ پەشى، اپاتتىق جاعدايدا قاجەت جيناقپەن جابدىقتالعان. ىشىندە العاشقى كومەك كورسەتۋ جيناعى، مارشرۋت كارتاسى، ءموبيلدى قۇرىلعىنى قۋاتتاۋ ستانساسى، جىلى كورپە مەن ازىق- تۇلىك جيىنتىعى بار. شاتىردا SOS سپۋتنيكتىك سيگنالىن قۇتقارۋشىلار پۋلتىنە جىبەرەتىن دابىل تۇيمەلەرى بار راديورەلەلىك دىڭگەكتەر ورناتىلعان»، - دەپ جازدى اكىم.

تاۋداعى قاۋىپسىزدىك شارالارى شەڭبەرىندە ۇلكەن الماتى مەن تۇيىق سۋ شاتقالدارىندا باقىلاۋ- قۇتقارۋ پۋنكتى اشىلادى. وندا تىكۇشاق الاڭىن اشۋ دا جوسپاردا بار.

«شىمبۇلاقتا» قىسقى ماۋسىمعا دايىندىق جۇرگىزىلۋدە - شاڭعى تراسسالارى مەن قوناق ءۇي جاڭارتىلىپ جاتىر. سونداي- اق ۆيزيت- ورتالىق اشىلادى. الماتى اكىمى Medeu Park Hotel ءدى قۇرۋ، جاڭارتىلعان Qazaq Auyl ەكوكەشەنى مەن الپينيستەردىڭ سۇيىكتى مەكەنى - تۇيىق سۋ شاتقالىنداعى گلەمپينگتى قۇرۋ جوبالارىمەن تانىستى.

«مەدەۋدىڭ» تومەنگى بولىگىندە ارقانى بار ساياباق پەن دەنساۋلىق جولى سالىنۋدا.