موڭعوليادا كوروناۆيرۋسپەن اۋىرعانداردىڭ انتيرەكوردى تىركەلدى
كوروناۆيرۋسقا قاتىستى الەمدەگى جاعداي سان- مارينودا ۆاكتسيناتسيا ناتيجەلەرى بويىنشا «سپۋتنيك V» تيىمدىلىگى %95 قۇرادى. سان- مارينو «سپۋتنيك V» ۆاكتسيناسىن ۇلتتىق پورتفەلگە ەنگىزۋ ارقىلى كوروناۆيرۋستى جەڭىپ، شەكتەۋلەردى الىپ تاستاعان العاشقى ەۋروپا مەملەكەتى بولدى.
ەلدىڭ ەرەسەك حالقىنىڭ %70 دان استامى رەسەيلىك پرەپاراتپەن ەگىلدى. عالىمدار كوروناۆيرۋستىڭ مۋتاتسيا جىلدامدىعىنىڭ جوعارىلاعانىن تىركەدى. زەرتتەۋ ماقالاسى Genome Biology and Evolution عىلىمي جۋرنالىندا جاريالاندى.
جاڭا زەرتتەۋ ناتيجەلەرى COVID-19 تارالۋ جىلدامدىعىن باعالاۋعا، سونداي- اق ۆاكتسينالاردىڭ اسەرىن بولدىرماۋ ءۇشىن پاتوگەن قولداناتىن مەحانيزمدى تۇسىنۋگە كومەكتەسەدى. موڭعوليادا كوروناۆيرۋسپەن اۋىراتىن ناۋقاستاردىڭ كۇندەلىكتى ءوسىمى بويىنشا انتيرەكورد تىركەلدى -3805 جاعداي انىقتالدى.
د د س ۇ مالىمەتتەرى بويىنشا، تامىزدىڭ سوڭىندا الەمدە كوروناۆيرۋستىڭ تارالۋ قارقىنى ءۇش ايلىق جوعارى دەڭگەيگە كەلدى، ال وڭتۇستىك- شىعىس ازيادا پاندەميا كەزىندە اۋرۋ تىركەلىمدەرى رەكوردتىق كورسەتكىشتەرگە جەتتى.
