ايلىقتى ءوسىرۋ ءامياننىڭ عانا ماسەلەسى ەمەس - داۋرەن ابايەۆ
«مۇعالىمدەردىڭ ايلىعىن كوتەرگەندە دە ءدال وسىلاي سىناعاندار بولعان. 2020 -جىلى مۇعالىمدەردىڭ ايلىعى ءوستى دە، پەداگوگيكا ماماندىعىنا ءتۇسۋ بالى كوتەرىلدى. ياعني الەۋەتى جوعارى ماماندار پەداگوگيكا بارىپ جاتىر دەگەن ءسوز. سونىڭ ارقاسىندا ءبىلىم ساپاسى دا ارتادى. اۋىلعا قالادان كوشىپ بارىپ جاتقان جاس پەداگوگتەردىڭ سانى قازىردىڭ وزىندە ءوسىپ جاتىر. بۇعان دەيىن ولاردى اۋىلعا شاقىرۋدىڭ ءتۇرلى جولىن پايدالانعان ەدىك.
«ديپلوممەن اۋىلعا» دەگەن باعدارلاما بويىنشا دا ۇندەدىك. ءبىراق مۇعالىمدەردىڭ ايلىعىن كوتەرىپ ەدىك، ۇدەرىس تابيعي سيپاتتا جۇرە باستادى. ءبىر جىلدىڭ ىشىندە عانا ەر پەداگوگتەردىڭ ۇلەسى ارتقانىن تىركەدىك. بۇل وتە ماڭىزدى ماسەلە. ءبىزدىڭ پەداگوگيكادا گەندەرلىك تەڭگەرىمسىزدىك وتە جوعارى. ءتىپتى مۇعالىمدىك ايەل ادامداردىڭ ماماندىعى دەگەن تۇسىنىك قالىپتاسىپ كەتكەن»، - دەگەن داۋرەن ابايەۆ كەز كەلگەن سالادا مامانداردىڭ ساپاسىن ايلىقتىڭ مولشەرى ايقىندايتىنىن اتادى.
«ايلىق تومەن بولعاندىقتان، ەر ادامدار پەداگوگيكا ماماندىقتارىنا وتە سيرەك باراتىن. ال بالالار پسيحولوگتارى پەداگوگتەردىڭ اراسىندا گەندەرلىك بالانستىڭ بولۋى ماڭىزدى ەكەنىن ايتىپ وتىر. اسىرەسە ۇل بالااردىڭ پسيحولوگياسى ءۇشىن ماڭىزدى كورىنەدى. پەداگوگ ەر ادام ولار ءۇشىن ەلىكتەۋگە تۇرارلىق ۇلگى بولا الادى. سوندىقتان مۇعالىمدەردىڭ ايلىعىن كوبەيتۋ ءامياننىڭ عانا شارۋاسى ەمەس، جۇيەلىك شارا بولاتىن. ءسىز ايتىپ وتىرعان 600 دەي ازاماتتىق قىزمەت ماماندىقتارىنىڭ بەدەلى دە وسى ماسەلەگە بايلانىستى. ايلىق نەعۇرلىم جوعارى بولسا، وعان باراتىن ناعىز مامانداردىڭ سانى دا سوعۇرلىم ارتادى»- دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.
