كوروناۆيرۋس: تۇركيادا جاعداي قيىن، ەل بيلىگى كارانتين تالابىن تاعى دا كۇشەيتتى

نۇر-سۇلتان. قازاقپارات - تۇركيا كوروناۆيرۋس ينفەكتسياسىنان بولاتىن ءولىمدى ازايتا الماي وتىر.

ءبىر كۇندە Covid-19-دىڭ اسقىنىپ كەتۋىنەن 290 ادام قايتىس بولدى.

بۇل سوڭعى ءتورت ايدا ورىن العان رەكوردتىق كورسەتكىش، دەپ حابارلايدى قازاقپارات Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ.

30- ساۋىردە 394 ءولىم جاعدايى تىركەلدى. وتكەن كۇندەرى كوروناۆيرۋستى جۇقتىرۋدىڭ تاعى 23946 جاڭا جاعدايى انىقتالدى.

سوندىقتان ەل بيلىگى كارانتين شارالارىن قاتاڭداتۋ تۋرالى مالىمدەدى.

- ۆاكسيناتسيالانباعان بارلىق ازاماتتار كينوتەاترلارعا، تاماقتانۋ ورىندارىنا جانە باسقا دا قوعامدىق ورىندارعا بارعان كەزدە مىندەتتى تۇردە كوروناۆيرۋسقا تەست تاپسىراتىن بولادى.

وڭتۇستىك كورەيا ەڭ ءىرى امەريكالىق فارماتسيەۆتيكا كونسەرنىنەن كوروناۆيرۋسقا قارسى ۆاكسينانىڭ 1 ميلليوننان استام دوزاسىن الدى.

Moderna پرەپاراتىنىڭ 1,02 ميلليون دوزاسى، رۋمىنيادان ساتىپ الىنعان Pfizer ۆاكسيناسىنىڭ 526,5 مىڭ دوزاسى بۇگىن سەۋلگە جەتكىزىلدى. اپتانىڭ سوڭىنا دەيىن ەل تاعى 4,98 ميلليون دوزا ۆاكتسينا الۋى كەرەك.

قازىرگى ۋاقىتتا وڭتۇستىك كورەيا ۇكىمەتى Covid-19 ۆاكسينالارىنىڭ 193,4 ميلليون دوزاسىن، سونىڭ ىشىندە AstraZeneca، Moderna، Janssen جانە Novavax ۆاكسينالارىن جەتكىزۋگە كەلىسىم جاسادى.