ەۋرووداق تالىپتەر بيلىگىن مويىنداۋعا اسىقپايدى
تاراپتار اراسىنداعى بايلانىس تەك ناقتى شارتتار ورىندالعان جاعدايدا عانا ورنايدى.
ماسەلەن، تالىپتەر ادام قۇقىقتارىن ساقتاپ، گۋمانيتارلىق كومەكتىڭ كورسەتىلۋىنە كەدەرگى كەلتىرىلمەۋى كەرەك. ەلدەن كەتەمىن دەگەن اۋعان ازاماتتارى بولسا، ولاردىڭ جولى بوگەلمەۋى قاجەت. سونداي-اق مەملەكەت لاڭكەستەردىڭ ورداسىنا اينالماۋى ءتيىس.
جالپى ەۋرووداق وكىلدەرى اۋعانستانداعى قازىرگى جاعدايدى ەسكەرە وتىرىپ، 2015-جىلعى كوشى-قون داعدارىسى قايتالانۋى مۇمكىن دەگەن بولجام ايتادى.
گۋننار ۆيگاند، ەۋرووداقتىڭ سىرتقى ساياسات قىزمەتىنىڭ وكىلى:
- ءبىز تالىپتەرمەن بىرگە جۇمىس ىستەۋىمىز كەرەك. ءبىز تەتىكتەردى قولدانا وتىرىپ، ولارعا اسەر ەتۋىمىز كەرەك. دەسە دە تالىپتەردى اۋعانستاننىڭ رەسمي بيلىگى رەتىندە مويىنداۋعا اسىقپايمىز. ءبىز كەيىنگى 20 جىلدا مەملەكەت پەن باتىس ەلدەرىنىڭ اراسىنداعى قارىم-قاتىناستى سارالاپ، قانداي قاتەلىكتەر كەتكەنىن ءتۇسىنۋىمىز قاجەت.
24.kz
