قورعانىس مينيسترلىگىنە قاۋىپتى وق-ءدارىنى ءوز بەتىمەن جويۋ قۇزىرەتى بەرىلۋى مۇمكىن
«ارىس قالاسىنداعى جارىلىستان كەيىن قورعانىس مينيسترلىگى زىمىراندار مەن وق-دارىلەردى ساقتاۋ نىساندارىندا توتەنشە جاعدايلاردىڭ الدىن الۋعا باعىتتالعان شارالار قابىلداعان بولاتىن. وسى ەكى جىلدىڭ ىشىندە نورماتيۆتىك قۇقىقتىق بازانى جەتىلدىرىلدى. بىلتىر مامىر ايىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قارۋلى كۇشتەردىڭ، باسقا دا اسكەرلەر مەن اسكەري قۇرالىمداردىڭ ارسەنالدارى، بازالارى مەن قويمالارى جانىنداعى تىيىم سالىنعان ايماقتار مەن تىيىم سالىنعان اۋداندار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويىلدى. وسى زاڭدى ىسكە اسىرۋ ءۇشىن ۇكىمەت قاۋلىسىمەن تىيىم سالىنعان ايماقتار مەن اۋدانداردى بەلگىلەۋ ەرەجەسى قابىلداندى. بۇدان باسقا، وق-دارىلەردى ۇيىمداستىرۋدى جانە ساقتاۋ ءتارتىبىن رەگلامەنتتەيتىن ۆەدومستۆولىق نورماتيۆتىك قۇقىقتىق اكتىلەر قايتا قارالدى»، - دەيدى مينيستردىڭ ورىنباسارى.
ونىڭ سوزىنە قاراعاندا، قورعانىس زاڭناماسىنا ءالى دە وزگەرىستەر ەنۋى مۇمكىن. سونىڭ ءبىرى قاۋىپتى وق-ءدارىنىڭ كوزىن جويۋ ماسەلەسىمەن بايلانىستى.
«ءبىزدىڭ باستامامىزبەن زاڭناماعا قورعانىس مينيسترلىگىنە ساقتاۋ وبەكتىلەرىنە قاۋىپ توندىرەتىن نەمەسە قاۋىپ ءتوندىرۋى ىقتيمال وق-دارىلەردى ءوز بەتىنشە جويۋ قۇزىرەتىن بەرەتىن وزگەرىستەر مەن تولىقتىرۋلار ەنگىزىلۋدە. قازىرگى ءتارتىپ بويىنشا پايدالانىلمايتىن وق-دارىلەردىڭ ءبارى يندۋستريا جانە ينفراقۇرىلىمدىق دامۋ مينيسترلىگىنىڭ «قازتەحنولوگيا» ا ق ۆەدومستۆولىق ۇيىمىنا بەرىلەدى. سول ۇيىم قولدانىستان شىققان وق-ءدارىنى ونەركاسىپتىك تاسىلمەن كادەگە جاراتادى»، - دەيدى رۋسلان شپەكبايەۆ.
قورعانىس مينيسترلىگى قارۋلى كۇشتەردە قارۋ-جاراق پەن وق-دارىلەردى ساقتاۋ وبەكتىلەرىن جەتىلدىرۋ جونىندەگى 2019-2024-جىلدارعا ارنالعان كەشەندى جوسپار ازىرلەگەن.
ۆەدومستۆو وكىلىنىڭ ايتۋىنشا، سول جوسپارداعى ءىس-شارالاردىڭ ءالى %50 ورىندالماعان.
«بۇگىنگى كۇنى قاۋىپسىزدىك تالاپتارىن جانە ولاردىڭ ەلدى مەكەندەردەن قاشىقتىعىن ەسكەرە وتىرىپ، وق-دارىلەردى ساقتايتىن جاڭا بازالارى مەن ارسەنالدارىن سالۋ جونىندەگى ماسەلەلەر كەشەنى شەشىلدى»، - دەدى قورعانىس ءمينيسترىنىڭ ورىنباسارى.
