ايالدامانىڭ اينەگىن شاققان بويجەتكەن سوتتالدى
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، بۇگىن پەتروپاۆلدا ن. نازاربايەۆ كوشەسىندەگى ايالدامانىڭ اينەگىن سىندىرعان بويجەتكەنگە قاتىستى سوت ۇكىمى شىقتى.
پەتروپاۆل قالالىق اكىمشىلىك قۇقىق بۇزۋشىلىق بويىنشا مامانداندىرىلعان سوتى قوعامدىق ورىندا ماس كۇيدە قۇقىقبۇزۋشىلىق جاساعان وبلىس ورتالىعىنىڭ تۇرعىنىن 434 باپتىڭ 1 بولىگى - «ۇساق بۇزاقىلىق» بويىنشا كىنالى دەپ تاپتى. بويجەتكەن سوت ۇكىمىمەن 3 تاۋلىككە قاماۋعا الىندى.
ەستەرىڭىزگە سالايىق، 1- قىركۇيەك كۇنى ساعات تاڭعى 5:00 شاماسىندا پەتروپاۆل تۇرعىنى پوليتسياعا حابارلاسىپ، قۇرىلىس-ەكونوميكالىق كوللەدجدىڭ ماڭىنداعى اينەك ايالدامانى بىرەۋلەردىڭ سىندىرعانىن ايتقان ەدى. پوليتسەيلەر بۇزاقىلاردى سول جەردە ۇستادى.
«ايالداما پاۆيلوندارىن بۇعان دەيىن دە بۇزاقىلار زاقىمداپ كەلدى. بيىل قاڭتار ايىندا بىردەن ءۇش ايالدامانى قيراتقان جىگىتتەرگە قىلمىستىق ءىس قوزعالدى. ولار مۇنداي قۇقىق بۇزۋشىلىققا اراقتىڭ بۋىمەن بارادى»، - دەيدى پەتروپاۆل قالالىق پوليتسيا باسقارماسىنىڭ ءبولىم باستىعى رۋستام سادۋلوۆ.
جالپى س ق و- دا جىل باسىنان ۇساق بۇزاقىلىق جاساعاندارعا قاتىستى 2300 دەن استام اكىمشىلىك حاتتاما تولتىرىلعان.