جوعارى وقۋ ورىندارىنا قويىلاتىن تالاپتار كۇشەيەدى - ءبىلىم ءمينيسترى

نۇر-سۇلتان. قازاقپارات - بۇگىن مەملەكەت باسشىسىنىڭ جولداۋىندا بەرىلگەن تاپسىرمالاردى ورىنداۋعا ارنالعان ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ ۋنيۆەرسيتەتتەرگە قاتىستى قانداي وزگەرىستەر بولاتىنىن ايتتى، دەپ حابارلايدى قازاقپارات ءتىلشىسى.

«وقۋ باعدارلامالارىن بەيىمدەۋ ماقساتىندا يننوۆاتسيالىق باعدارلامالاردى جوبالاۋ مەن ازىرلەۋ، ءبىلىم بەرۋ باعدارلامالارىن ەڭبەك نارىعىنىڭ تالاپتارىنا سايكەس جاڭارتۋ جۇمىستارى جۇرگىزىلەدى. جوعارى وقۋ ورىندارىنا قويىلاتىن تالاپتار ارتادى. وسى ماقساتتا «ءبىلىم تۋرالى» زاڭعا، «رۇقساتتار جانە حابارلامالار تۋرالى» زاڭعا وزگەرىستەر ەنگىزۋ ۇسىنىلادى»، - دەدى ا. ايماعامبەتوۆ.

وسى ورايدا: - ج و و ءۇشىن ليتسەنزيالاردىڭ قولدانىلۋ مەرزىمىن بەلگىلەۋ؛

- ليتسەنزيالاردى قايتا رەسىمدەۋدى تەك تالاپتارعا سايكەستىگىن انىقتاعاننان كەيىن ۇيىمداستىرۋ؛

- ج و و- لاردان ليتسەنزيالاردى قايتارىپ الۋ جونىندەگى فۋنكسيالاردى مينيسترلىككە بەرۋ؛

- ج و و جابىلعان جاعدايدا ءبىلىم الۋشىلاردى اۋىستىرۋ بويىنشا مىندەتتەمەلەردى ورىنداماعانى ءۇشىن قۇرىلتايشىلاردىڭ جاۋاپكەرشىلىگىن بەلگىلەۋ سياقتى شارالار قابىلدانادى.

اۆتور: رۋسلان عابباس